તબરેઝ અંસારી લિંચિંગ કેસમાં તમામ દસ દોષિતોને 10 વર્ષની સજા, 4 વર્ષ બાદ આવ્યો ચુકાદો
ઝારખંડના જાણીતા મોબ લિંચિંગ તબરેજ અન્સારીના મોતના કેસમાં આજે સાંજે ચાર વાગ્યે સરાયકેલા કોર્ટે પોતાનો ચુકાદો આપ્યો હતો. વાસ્તવમાં, સરાઈકેલા કોર્ટે તમામ દસ દોષિતોને આઈપીસી કલમ 304 હેઠળ 10 વર્ષની જેલની સજા ફટકારી છે. ગુનેગારોમાં ભીમ સિંહ મુંડા, કમલ મહતો, મદન નાયક, અતુલ મહાલી, સુનામો પ્રધાન, વિક્રમ મંડલ, ચામુ નાયક, પ્રેમ ચંદ મહાલી, મહેશ મહાલીને કસ્ટડીમાં લેવામાં આવ્યા છે.
2019 Tabrez Ansari lynching case | All ten convicts sentenced to 10-year imprisonment by Seraikela court under section 304 (culpable homicide not amounting to murder) of IPC. Details awaited. #Jharkhand pic.twitter.com/tblKyzAb8Q
— ANI (@ANI) July 5, 2023
તબરેઝને ચોરીની શંકાના આધારે માર મારવામાં આવ્યો હતો
18 જૂન 2019ના રોજ, તબરેઝને ધાતકીડીહમાં ચોરીની શંકામાં ટોળાએ ઢોર માર માર્યો હતો. બાદમાં તેને પોલીસને સોંપવામાં આવ્યો હતો. જ્યાંથી મેડિકલ તપાસ બાદ તેને જ્યુડિશિયલ કસ્ટડીમાં મોકલી દેવામાં આવ્યો હતો. જ્યાં તબરેઝની તબિયત બગડતાં 21 જૂને સદર હોસ્પિટલમાં દાખલ કરવામાં આવ્યો હતો. આ ક્રમમાં, 22 જૂન 2019ના રોજ તબરેઝનું સારવાર દરમિયાન મૃત્યુ થયું હતું. આ કેસમાં પોલીસે કુલ 13 લોકોની ધરપકડ કરી હતી. મહત્વનું છે કે આ કેસના મુખ્ય આરોપી પપ્પુ મંડલ સિવાય તમામ 12 આરોપીઓ જામીન પર બહાર હતા.
બચાવ પક્ષે કરી આ દલીલ
બીજી તરફ બચાવ પક્ષના વકીલ એસસી હાજરાએ જણાવ્યું કે સમગ્ર મામલાને ખોટી રીતે રજૂ કરવામાં આવ્યો છે. તબરેઝની હત્યા મોબ લિંચિંગ નહોતી. તેની ખોટી રીતે રજૂ કરવામાં આવી છે. રાજકારણ અને પોલીસે મળીને આ કેસને ખોટી દિશામાં લઈ જવાનો પ્રયાસ કર્યો છે. તેમણે કહ્યું કે કાયદામાં વિશ્વાસ છે, અમને ન્યાય ચોક્કસ મળશે.
આ પણ વાંચો: માથાભારે વકીલ! પરસ્પર ઝઘડા બાદ કોર્ટ પરીસરમાં કર્યું ફાયરીંગ
