આલિયા સિદ્દીકીએ કર્યા વધુ ખુલાસા, કહ્યું- ‘નવાઝ જેવો દેખાય છે તેવો નથી’

બોલિવૂડ એક્ટર નવાઝુદ્દીન સિદ્દીકી અને તેની પત્ની આલિયા સિદ્દીકી આજકાલ ચર્ચામાં છે. તાજેતરમાં, બોમ્બે હાઈકોર્ટે નવાઝુદ્દીન સિદ્દીકી અને આલિયાને સલાહ આપી છે કે તેઓ તેમના બાળકો સાથે સંકળાયેલા મુદ્દાઓને સૌહાર્દપૂર્ણ રીતે ઉકેલે. આ દરમિયાન હવે આલિયાએ ફરી એક ઈન્ટરવ્યુમાં ઘણા ખુલાસા કર્યા છે. વાસ્તવમાં આલિયા નવાઝુદ્દીન પર સતત ગંભીર આરોપો લગાવી રહી છે. તાજેતરમાં જ તેણે અભિનેતા વિરુદ્ધ ફરિયાદ પણ નોંધાવી હતી. હવે આલિયાએ એક ઈન્ટરવ્યુમાં ખુલાસો કર્યો છે કે તેણે તેના પતિ પર આ આરોપો કેમ લગાવ્યા છે. આ સાથે તેણે પોતાના અંગત જીવન વિશે પણ ઘણા ચોંકાવનારા ખુલાસા કર્યા છે. એક ઇન્ટરવ્યુમાં આલિયાને પૂછવામાં આવ્યું હતું કે તે નવાઝ સાથેના તેના સંબંધોને રેપ કેમ કહી રહી છે? તેના જવાબમાં આલિયાએ કહ્યું કે નવાઝ કહે છે કે અમે લિવ-ઈનમાં હતા, જ્યારે અમે નહોતા. અમે પતિ-પત્ની હતા અને છેલ્લા 3 મહિનાથી રિલેશનશિપમાં છીએ. આ સાથે આલિયાએ વધુમાં જણાવ્યું કે અમે અમારા લગ્નને બીજી તક આપવાનો નિર્ણય કર્યો છે. નવાઝને લાગ્યું કે આપણે આપણા બાળકો માટે ફરીથી સાથે આવવું જોઈએ.આ સાથે જ પોતાના ઈન્ટરવ્યુમાં આલિયાએ નવાઝ સાથેના છૂટાછેડા અંગે પણ ચોંકાવનારો ખુલાસો કર્યો છે. આલિયાએ કહ્યું કે નવાઝે કોર્ટમાં છૂટાછેડાના કેટલાક પેપર જમા કરાવ્યા છે. તે કાગળો પરની સહીઓ વિશે કાયદો નક્કી કરશે. આલિયાએ એમ પણ કહ્યું કે તેણે છૂટાછેડા માટે અરજી કરી નથી, પરંતુ તેણે નવાઝને કાનૂની નોટિસ મોકલી છે. આલિયાએ એમ પણ કહ્યું કે નવાઝની માતાએ તેના પુત્રને ગેરકાયદેસર બાળક કહ્યો છે. આ સંભાળી તે ખૂબ જ આશ્ચર્ય અને પરેશાન છે. તેના ઈન્ટરવ્યુમાં આલિયાએ વધુમાં કહ્યું કે તે નવાઝને ક્યારેય સમજી શકતી નથી કારણ કે તે જેવો દેખાય છે તેવો નથી. આલિયાએ કહ્યું કે નવાઝ સાથે તેની છેલ્લી વાતચીત ત્યારે થઈ હતી જ્યારે તે તેની પુત્રીના દુબઈમાં રોકાણ વિશે વાત કરવા ગઈ હતી. તે સમયે અભિનેતાએ તેની સાથે અસભ્યતાથી વાત કરી હતી અને તેના મેનેજરને તેની સંભાળ રાખવા કહ્યું હતું. આલિયા કહે છે કે તેના બંને બાળકો તેની સાથે રહેવા માંગે છે. આલિયાએ કહ્યું કે તેના પુત્રને એ પણ ખબર નથી કે પિતા શું હોય છે અને તેને નવાઝનો સ્પર્શ પણ નથી મળ્યો.