આલિયા ભટ્ટ જોડિયા બાળકોને જન્મ આપશે? રણબીરે કહ્યું તે એક નહી પણ બે બાળકોનો પિતા…
હાલમાં રણબીર કપૂર પોતાની ફિલ્મ ‘શમશેરા’ના પ્રમોશનમાં વ્યસ્ત છે. જે દરમિયાન રણબીર કપૂરે આલિયા ભટ્ટ બે બાળકોની માતા બનવાની છે તેવી વાત કરી હતી.તેણે કહ્યું કે તે એક નહી પરંતુ બે બાળકોનો પિતા બનવાનો છે. ઉલ્લેખનીય છે કે થોડાં સમય પહેલાં જ આલિયાએ ફર્સ્ટ પ્રેગ્નન્સીની જાહેરાત કરી હતી.
View this post on Instagram
શમશેરાના પ્રમોશન દરમિયાન બેવડી ખુશી જણાવી
રણબીર કપૂરને બે વાત સાચી ને એક ખોટી કહેવાનું કહ્યું હતું. રણબીરે થોડીક સેકન્ડ વિચાર્યા પછી કહ્યું હતું, ‘મારે જોડિયા બાળકો જન્મશે, હું એક માયોથોલોજિકલ ફિલ્મમાં કામ કરું છું અને હું કામમાંથી લાંબો બ્રેક લેવાનો છું.’ ઉલ્લેખનીય છે કે ‘શમશેરા’ 22 જુલાઈએ રિલીઝ થશે. આ ફિલ્મમાં રણબીર પહેલી જ વાર ડબલ રોલમાં જોવા મળશે. ફિલ્મમાં સંજય દત્ત, વાણી કપૂર પણ છે. રણબીરનો જવાબ સાંભળ્યા બાદ સો.મીડિયા યુઝર્સ કહેવા લાગ્યા કે રણબીર જોડિયા બાળકોનો પિતા બનશે અને તે ‘બ્રહ્માસ્ત્ર’ નામની માયથોલોજીકલ ફિલ્મમાં કામ કરી રહ્યો છે. આ બે વાત સાચી છે. જ્યારે રણબીર કામમાંથી બ્રેક લેશે તે વાત ખોટી છે.
‘બ્રહ્માસ્ત્ર‘ નવ સપ્ટેમ્બરે રિલીઝ થશે
બ્રહ્માસ્ત્ર ફિલ્મ 9 સપ્ટેમ્બરે રિલીઝ થઈ રહી છે. આ ફિલ્મના શૂટિંગ દરમિયાન જ રણબીર તથા આલિયા એકબીજાના પ્રેમમાં પડ્યા હતા. ફિલ્મમાં અમિતાભ બચ્ચન, મૌની રોય, નાગાર્જુન મહત્ત્વના રોલમાં છે.
