ઇન્ટરનેશનલ ડેસ્કઃ ટેસ્લાના માલિક અને વિશ્વના સૌથી ધનિક વ્યક્તિ એલન મસ્કે શુક્રવારે ટ્વિટર ખરીદવા માટે $44 બિલિયનનો સોદો રદ્દ કર્યો છે. તેમનું કહેવું છે કે આ સોશિયલ મીડિયા કંપની ફેક એકાઉન્ટ વિશે માહિતી આપવામાં નિષ્ફળ રહી છે. તમને જણાવી દઈએ કે, મસ્કે એપ્રિલમાં પ્રતિ શેર 54.20 ડોલરની ઓફર કરી હતી.
Elon Musk sends a letter to Twitter seeking to end USD 44 billion deal, citing lack of info on bot accounts: The Associated Press
— ANI (@ANI) July 8, 2022
એલોન મસ્કના વકીલોએ જણાવ્યું હતું કે, ટ્વિટર અનેક વિનંતીઓ છતાં નકલી અથવા સ્પામ એકાઉન્ટ્સ વિશે માહિતી આપવામાં નિષ્ફળ ગયું છે. એવું જ સમજો કે તેમણે જવાબ આપવાની ના પાડી.
એલોન મસ્કના પ્રતિનિધિઓએ જણાવ્યું હતું કે, ‘ટ્વિટર કરારની કેટલીક જોગવાઈઓનો ભંગ કરે છે. તેણે ખોટી અને ગેરમાર્ગે દોરનારી માહિતી આપી હોય તેવું લાગે છે અને તેના કારણે જ એલન મસ્કે સોદો રદ્દ કર્યો છે.”
ટ્વિટરના ચેરમેન બ્રેટ ટાયલોએ કહ્યું છે કે, બોર્ડ મર્જર કરારને લાગુ કરવા માટે કાનૂની પગલાં લેવાની યોજના બનાવી છે.
