સેટ પર ઘાયલ થયો અક્ષય કુમાર, સ્ટંટ કરતી વખતે થઈ ઇજા

મુંબઈ, 12 ડિસેમ્બર : અક્ષય કુમાર ઈજાગ્રસ્ત બોલિવૂડ ખેલાડી અક્ષય કુમાર ઈજાગ્રસ્ત થયો છે. અક્ષય તેની આગામી ફિલ્મ હાઉસફુલ 5નું શૂટિંગ કરી રહ્યો હતો, તે દરમિયાન સેટ પર અકસ્માત થયો. આ ફિલ્મના શૂટિંગ દરમિયાન તેને ઈજા થઈ હતી. જ્યારે આ અકસ્માત થયો ત્યારે અક્ષય ફિલ્મ માટે એક એક્શન સિક્વન્સનું શૂટિંગ કરી રહ્યો હતો. કહેવામાં આવી રહ્યું છે કે ‘હાઉસફુલ 5’ના સેટ પર અચાનક તેના પર કેટલીક વસ્તુઓ પડી ગઈ, જેના કારણે અક્ષય કુમાર ઘાયલ થઈ ગયો.

જો મીડિયા રિપોર્ટ્સનું માનીએ તો અક્ષયને આંખમાં ઈજા થઈ છે. અકસ્માત બાદ અક્ષયને તાત્કાલિક હોસ્પિટલ લઈ જવામાં આવ્યો હતો. હાલ તબીબે તેમને આરામ કરવાની સલાહ આપી છે.  અક્ષય પોતાના કામને લઈને ખૂબ જ ગંભીર છે. તે પોતાના સ્ટંટ પણ લગભગ જાતે જ કરે છે. જો કે સેટ પર દરેક પ્રકારની સુરક્ષાનું ધ્યાન રાખવામાં આવે છે, પરંતુ કેટલીકવાર આવા અકસ્માતો પણ થાય છે. મળતી માહિતી મુજબ અક્ષય ગંભીર રીતે ઘાયલ નથી, પરંતુ તેને આરામ કરવા માટે કહેવામાં આવ્યું છે.

અક્ષય જલ્દી પરત ફરશે
ફિલ્મના શૂટિંગની વાત કરીએ તો ફિલ્મનું શૂટિંગ થોડા સમય માટે રોકી દેવામાં આવ્યું હતું, પરંતુ તે પછી તેને ફરીથી શરૂ કરવામાં આવ્યું હતું. જો કે અક્ષયના સીન હાલ પૂરતા બંધ કરી દેવામાં આવ્યા છે. તેના સાજા થયા બાદ જ આ દ્રશ્યો શૂટ કરવામાં આવશે. અક્ષય ખૂબ જ સમયનો પાબંદ છે અને તેની ફિલ્મોનું શૂટિંગ સમયસર પૂરું કરવાનું પસંદ કરે છે. આવી સ્થિતિમાં, એવી શક્યતાઓ છે કે તે ટૂંક સમયમાં સ્વસ્થ થઈને શૂટિંગમાં પાછો ફરે.

હાઉસફુલ 5 માં મોટા સ્ટાર્સ
હાઉસફુલ 5ની વાત કરીએ તો અક્ષય કુમારની સાથે રિતેશ દેશમુખ, અભિષેક બચ્ચન, શ્રેયસ તલપડે, ચંકી પાંડે, જેકલીન ફર્નાન્ડીઝ, નરગીસ ફખરી, ફરદીન ખાન સહિતના ઘણા મોટા સ્ટાર્સ જોવા મળશે. તરુણ મનસુખાની આ ફિલ્મનું નિર્દેશન કરી રહ્યા છે, તે 6 જૂન 2025ના રોજ રિલીઝ થશે. ફિલ્મનું શૂટિંગ આ વર્ષની શરૂઆતમાં યુરોપમાં શરૂ થયું હતું. કલાકારોએ 40 દિવસ માટે ક્રુઝ શિપ પર ફિલ્મનું શૂટિંગ કર્યું, જેમાં ન્યૂકેસલથી સ્પેન, નોર્મેન્ડી, હોનફ્લેર અને પાછા પ્લાયમાઉથની સફરનો સમાવેશ થાય છે.

આ પણ વાંચો : ‘શેરીઓમાં ગોળીબાર, વિસ્ફોટો અને લૂંટફાટ’, સીરિયાથી પાછા ફરનાર ભારતીય નાગરિકે દમાસ્કસની ભયંકર સ્થિતિ વર્ણવી

મોંઘવારીમાં રાહત, શાકભાજી અને કઠોળના ભાવમાં ઘટાડો, નવેમ્બરમાં છૂટક ફુગાવામાં ઘટાડો

HDFC બેંકે કરોડો ગ્રાહકોને આપ્યા સારા સમાચાર! FD પર વધાર્યું વ્યાજ, જાણો હવે એક વર્ષની FD પર કેટલું વ્યાજ મળશે? 

ભારતની એફડીઆઈ 1 ટ્રિલિયન ડોલરને આંબી ગઈ

Personal Loan લેવી છે, Online કે પછી બેંકમાંથી,જાણો કઈ સસ્તી પડશે?

ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં

https://chat.whatsapp.com/FU8bgMOynfgJl4wCoEeiJw