અક્ષય કુમાર કોરોનામુક્ત: પત્ની ટ્વિંકલ ખન્ના સાથે અનંત-રાધિકાના રિસેપ્શનમાં પહોંચ્યો
- અક્ષય કુમારને અનંત અંબાણી અને રાધિકા મર્ચન્ટના લગ્ન ફંક્શનમાં જોઈને ચાહકો ખૂબ જ ખુશ થયાં
મુંબઈ, 16 જુલાઇ: બોલિવૂડ અભિનેતા અક્ષય કુમારે તેની પત્ની ટ્વિંકલ ખન્ના સાથે અનંત-રાધિકાના રિસેપ્શન સમારોહમાં હાજરી આપી હતી, જેનો એક વીડિયો હાલમાં સોશિયલ મીડિયા પર વાયરલ થઈ રહ્યો છે. કોવિડ -19ના સમાચાર વચ્ચે, તેના ચાહકો અક્ષય કુમારને ફંક્શનમાં જોઈને ખૂબ જ ખુશ થયાં છે. આ દિવસોમાં મુંબઈમાં અનંત અંબાણી અને રાધિકા મર્ચન્ટના લગ્નને લઈને ઘણી ચર્ચા ચાલી રહી છે. છેલ્લા ચાર દિવસથી તેમના લગ્નની ઉજવણી ચાલી રહી છે. તેની શરૂઆત 12મી જુલાઈથી થઈ હતી. ત્યારે 15 જુલાઇએ આ કપલના લગ્નનું બીજું રિસેપ્શન હતું, જેમાં અક્ષય કુમાર તેની પત્ની ટ્વિંકલ ખન્ના સાથે પહોંચ્યા હતા. હકીકતમાં, અક્ષય કુમાર 12 જુલાઈએ જ અનંત-રાધિકાના લગ્નમાં હાજરી આપવાના હતા. પરંતુ કોવિડ-19 પોઝિટિવ હોવાને કારણે તેઓ હાજર રહી શક્યા નહીં. જો કે, હવે તેનો રિપોર્ટ નેગેટિવ આવ્યો છે, જે બાદ તે 15 જુલાઈના રોજ અનંત-રાધિકાની છેલ્લી ઈવેન્ટમાં પહોંચ્યો હતો. આ દરમિયાન અક્કીની ડેશિંગ સ્ટાઈલ જોવા મળી હતી.
View this post on Instagram
અક્ષય કુમાર કોવિડમાંથી સાજા થયાં
જે વીડિયો બહાર આવ્યો છે જેમાં અક્ષય કુમાર આઇવરી રંગના કુર્તા-પાયજામામાં એકદમ ડેશિંગ લાગી રહ્યો છે. તો તેની સાથે તેની પત્ની પણ ટ્વિનિંગ કરતી જોવા મળી હતી. આ દરમિયાન ટ્વિંકલ આઇવરી રંગના મિરર વર્ક સૂટમાં ખૂબ જ સુંદર લાગી રહી હતી. અક્ષય કુમાર અને ટ્વિંકલ ખન્નાને જોઈને ફેન્સ ખૂબ જ ખુશ થયાં હતા. આ પહેલીવાર છે જ્યારે આ કપલ અનંત-રાધિકાના ફંક્શનમાં જોવા મળ્યું હતું. હકીકતમાં, અક્ષય કુમાર ‘કોવિડ-19 પોઝિટિવ’ હોવાને કારણે અત્યાર સુધી અંબાણીના ફંક્શનથી દૂર હતો. ફિલ્મ ‘સરફિરા’ના પ્રમોશન દરમિયાન, તેને અસ્વસ્થ લાગ્યું, જેના કારણે તેણે ટેસ્ટ કરાવ્યા અને પછી તેને ચેપ વિશે ખબર પડી. આટલું જ નહીં, તેના કેટલાક ક્રૂ મેમ્બર પણ પોઝિટિવ આવ્યા હતા.
View this post on Instagram
અક્ષય કુમાર વર્કફ્રન્ટ
ઉલ્લેખનીય છે કે, બોલિવૂડના ખિલાડી અક્ષય કુમાર આ દિવસોમાં પોતાની ફિલ્મ ‘સરફિરા’ને લઈને ચર્ચામાં છે. આ સિવાય તેની ઘણી ફિલ્મો લાઇનમાં છે. આગામી સમયમાં અક્ષય કુમાર ગંભીર એક્શન અવતારની સાથે કોમેડી અવતારમાં પણ જોવા મળશે. તેની આગામી ફિલ્મોમાં ‘વેલકમ ટુ ધ જંગલ’, ‘સિંઘમ અગેન’, ‘ખેલ ખેલ મેં’, ‘હેરા ફેરી 3’ અને ‘હાઉસફુલ 5’નો સમાવેશ થાય છે.
આ પણ જૂઓ: અમેરિકા પહોંચ્યા પછી પણ કિમ કાર્દાશિયનના મનમાં ભારત, ફોટો શેર કરી કહ્યું…
