BJPને હરાવવા માટે અખિલેશ યાદવે બનાવી ખાસ ફોર્મ્યુલા, શું છે PDA ફોર્મ્યુલા?

સમાજવાદી પાર્ટી (SP)ના વડા અખિલેશ યાદવે 2024ની લોકસભા ચૂંટણીમાં સત્તારૂઢ ભારતીય જનતા પાર્ટી (BJP)ને હરાવવાની ફોર્મ્યુલા બનાવી લીધી છે. અખિલેશે શનિવારે લખનૌમાં કહ્યું કે PDAની ફોર્મ્યુલા NDAને હરાવવા માટે ઉપયોગી થશે. જણાવી દઈએ કે અખિલેશ યાદવે બહુજન સમાજ પાર્ટી (BSP) સાથે ગઠબંધન કરીને 2019ની લોકસભા ચૂંટણી લડી હતી. જોકે, ચૂંટણી પછી તરત જ આ ગઠબંધન તૂટી ગયું હતું.

શું છે અખિલેશની PDA ફોર્મ્યુલા?

લખનૌમાં આયોજિત એનડીટીવી કોન્ક્લેવમાં બોલતા અખિલેશ યાદવે કહ્યું કે PDAએ દ્વારા ભાજપને હરાવી શકાય છે. અહીં પીડીએ અર્થ છે ‘પછાત, દલિત, લઘુમતી’. અખિલેશે કહ્યું, “આ વખતે મને ખાતરી છે કે પીડીએ એનડીએને હરાવી દેશે. પીડીએ એટલે પછાત, દલિત અને લઘુમતી. આ વખતે ઉત્તર પ્રદેશમાં પછાત, દલિત અને લઘુમતી વિશેષ ભૂમિકા ભજવશે.” આગામી વર્ષની સામાન્ય ચૂંટણીઓ માટે સંયુક્ત વિપક્ષી મોરચાના તેમના પક્ષના વિઝન અંગેના પ્રશ્નોના જવાબ આપતા અખિલેશ યાદવે કહ્યું કે, ‘ઉત્તર પ્રદેશ માટે તેમનું એકમાત્ર સૂત્ર ’80 હરાવો, ભાજપ હટાઓ’ છે.

અમે 80માંથી 80 સીટો જીતીશું: અખિલેશ યાદવ

તેમણે કહ્યું, “હું ઈચ્છું છું કે અન્ય પક્ષો પણ મોટા દિલથી સમાજવાદી પાર્ટી સાથે આવે અને ખાતરી આપું કે અમે 80માંથી 80 સીટો જીતીશું. અગાઉ પણ અમે ઘણી પાર્ટીઓ સાથે ચૂંટણી લડી ચુક્યા છીએ અને પરિણામો પણ આવી ગયા છે.” ” અખિલેશે આશા વ્યક્ત કરી છે કે આ વખતે પણ તેઓ આ જ ફોર્મ્યુલા પર કામ કરે. તેમણે કહ્યું કે ઘણા વરિષ્ઠ નેતાઓ સાથે વાત કર્યા બાદ એવો નિષ્કર્ષ કાઢવામાં આવ્યું છે કે જે પાર્ટી મજબૂત હોય તેણે ત્યાં પોતાના ઉમેદવારને સમર્થન આપવું જોઈએ.

“સમાજવાદી પાર્ટી હંમેશા પ્રામાણિક રહી છે”

અખિલેશ યાદવે રાજ્ય અને રાષ્ટ્રીય ચૂંટણીઓ માટે કોંગ્રેસ અને માયાવતીની બસપા સાથેના તેમના પક્ષના ભૂતકાળના જોડાણને ટાંકીને દાવો કર્યો હતો કે સમાજવાદી પાર્ટી હંમેશા પ્રામાણિક અને મૈત્રીપૂર્ણ જોડાણની ભાગીદાર રહી છે. તેમણે કહ્યું “જ્યાં પણ સપા ગઠબંધનમાં રહી છે, તમે અમને સીટો માટે લડતા ક્યારેય નહીં સાંભળ્યા હોય.”

BSPની દલિત વોટબેંક પર અખિલેશ યાદવની નજર

મહત્વનું છે કે સમાજવાદી પાર્ટી લોકસભા ચૂંટણી માટે બસપાની દલિત વોટ બેંકને આકર્ષવા પર ધ્યાન કેન્દ્રિત કરી રહી છે. સપા પ્રમુખ અખિલેશ યાદવે 3 એપ્રિલે રાયબરેલીમાં માન્યાવર કાંશીરામ કોલેજમાં બસપાના સ્થાપક કાંશીરામની પ્રતિમાનું અનાવરણ કર્યું હતું. આ કાર્યક્રમમાં તેમણે સમાજવાદી નેતા રામ મનોહર લોહિયાએ જે માર્ગ બતાવ્યો હતો તે જ પછાત લોકોના ઉત્થાન માટે છે તેમ કહીને દલિત સમુદાય સુધી પહોંચવાનો પ્રયાસ કર્યો હતો.

2017 &2022ની ચૂંટણીમાં અખિલેશની પાર્ટીની કારમી હાર થઈ

જોકે આ પહેલીવાર નથી જ્યારે અખિલેશે દલિતોને આકર્ષવાનો પ્રયાસ કર્યો હોય. ગયા વર્ષે યુપી વિધાનસભાની ચૂંટણી પહેલા, તેમણે જાહેર કર્યું કે ‘સમાજવાદીઓ’ અને ‘આંબેડકરવાદીઓ’ ભાજપને ખતમ કરવા માટે એક થશે. જો કે સપા ભાજપને હટાવવામાં સફળ રહી ન હતી, પરંતુ તેનો વોટ શેર 2017ના 22 ટકાથી વધીને 2022ની ચૂંટણીમાં 32 ટકા થયો હતો. હવે, પાર્ટીએ લોકસભા ચૂંટણીમાં 40 ટકાથી વધુ વોટ શેરનું લક્ષ્ય નક્કી કર્યું છે.

આ પણ વાંચો: મણિપુરમાં કેમ હિંસા રોકી શકતી નથી મોદી સરકાર?