મુકેશ અંબાણીની પૌત્રીનું નામ Veda રખાયું, શ્લોકા-આકાશે કરી પુત્રીના નામની જાહેરાત
જાણીતા ઉદ્યોગપતિ મુકેશ અને નીતા અંબાણીના પુત્ર આકાશ અને પુત્રવધૂ શ્લોકા થોડા દિવસો પહેલા ફરી માતા પિતા બન્યા છે. શ્લોકાએ થોડા દિવસ અગાઉ પુત્રીનો જન્મ આપ્યો હતો. હવે અંબાણી પરિવારે એક સ્વીટ મેસેજ સાથે દીકરીના નામની જાહેરાત કરી છે. આકાશ અને તેની પત્ની શ્લોકાએ તેમની પુત્રીનું નામ Veda આકાશ અંબાણી રાખ્યું છે. Vedaનો અર્થ છે ‘ખૂબ સુંદર’. અંબાણી પરિવારે એક કાર્ડ શેર કરીને આ નામની જાહેરાત કરી છે. આ કાર્ડ અંબાણી અપડેટ્સ નામના ફેન પેજ પર શેર કરવામાં આવ્યું છે.
કાર્ડમાં લખ્યું છે- “ભગવાન કૃષ્ણ અને ધીરુભાઈ અંબાણી અને કોકિલાબેન અંબાણીના આશીર્વાદથી, પૃથ્વી તેની નાની બહેન Veda આકાશ અંબાણીના જન્મની જાહેરાત કરે છે.” આ કાર્ડમાં અંબાણી અને મહેતા પરિવારના સભ્યોના નામ છે.
31 મેના રોજ પુત્રીનો જન્મ થયો
શ્લોકા મહેતા અંબાણીએ 31 મેના રોજ પુત્રીને જન્મ આપ્યો હતો. આકાશ અંબાણી અને શ્લોકા અંબાણીનું આ બીજું સંતાન છે. તેમને 2 વર્ષનો પુત્ર પણ છે, જેનું નામ પૃથ્વી અંબાણી છે. એપ્રિલ મહિનામાં નીતા મુકેશ અંબાણી કલ્ચરલ સેન્ટરના ઉદ્ઘાટન સમારોહ દરમિયાન શ્લોકા અંબાણીની બીજી પ્રેગ્નન્સી વિશે બધાને ખબર પડી.
આકાશ અને શ્લોકાના લગ્ન 2019માં થયા હતા
છેલ્લા કેટલાક અઠવાડિયાથી અંબાણી પરિવાર અનેક મંદિરોમાં જતો જોવા મળ્યો હતો. શ્લોકા તેના પતિ આકાશ અંબાણી અને સસરા મુકેશ અંબાણી સાથે બાબુલનાથ મંદિર પણ ગઈ હતી. આકાશ અંબાણી અને શ્લોકા મહેતાના લગ્ન માર્ચ 2019માં થયા હતા. આ લગ્નમાં બોલિવૂડના ઘણા સેલેબ્સ સામેલ થયા હતા. આ લગ્નમાં શાહરૂખ ખાન, ગૌરી ખાન, આખો બચ્ચન પરિવાર, દીપિકા પાદુકોણ, રણવીર સિંહ, આલિયા ભટ્ટ સહિત ઘણા સ્ટાર્સ જોવા મળ્યા હતા. તમને જણાવી દઈએ કે થોડા સમય પહેલા મુકેશ અંબાણી અને નીતા અંબાણીની દીકરી ઈશા અંબાણીએ જોડિયા બાળકોને જન્મ આપ્યો હતો.
