આકાંક્ષા દુબેના વકીલે લગાવ્યો હત્યાનો આરોપ, CM યોગીને પત્ર લખી CBI તપાસની કરી માંગ
- આકાંક્ષા દુબેના મૃત્યુના કેસમાં વકીલે મુખ્યમંત્રી યોગીને લખ્યો પત્ર
- વકીલે હત્યાનો આરોપ લગાવી સીબીઆઈ તપાસની કરી માંગ
- પોસ્ટ મોર્ટમ રિપોર્ટ પર પણ ઉઠાવ્યા સવાલ
ભોજપુરી ફિલ્મોની પ્રખ્યાત અભિનેત્રી આકાંક્ષા દુબેના મૃત્યુના કેસમાં હવે વકીલે મુખ્યમંત્રી યોગી આદિત્યનાથને પત્ર લખીને સીબીઆઈ તપાસની માંગ કરી છે. વકીલે કહ્યું કે આકાંક્ષાનું મૃત્યુ આત્મહત્યા નથી પરંતુ હત્યા છે.
સીબીઆઈ અથવા સીબી-સીઆઈડી તપાસની માંગ
સારનાથ વિસ્તારમાં એક હોટલના રૂમમાં મૃત હાલતમાં મળી આવેલી લોકપ્રિય ભોજપુરી અભિનેત્રી આકાંક્ષા દુબેના વકીલે આ મામલે સીબીઆઈ અથવા સીબી-સીઆઈડી તપાસની માંગ કરી છે.
અભિનેત્રીની હત્યા કરવામા આવી હોવાનો આરોપ
આ માંગને લઈને એડવોકેટ શશાંક શેખર ત્રિપાઠીએ મુખ્યમંત્રી યોગી આદિત્યનાથને પત્ર લખીને આરોપ લગાવ્યો છે કે 25 વર્ષીય અભિનેત્રીનું મોત આત્મહત્યાનથી પરંતુ હોટલના રૂમમાં કેટલાક લોકોએ તેની હત્યા કરી છે.
મૃતદેહનો બળજબરીથી અગ્નિસંસ્કાર થયો
મુખ્યમંત્રીને લખેલા પત્રમાં વકીલે મૃત્યુ પર શંકા દર્શાવતા અનેક મુદ્દા ઉઠાવ્યા છે. તેણે એવો પણ આક્ષેપ કર્યો હતો કે તેની માતાના આગ્રહ છતાં આકાંક્ષાના મૃતદેહનો બળજબરીથી અગ્નિસંસ્કાર કરવામાં આવ્યો હતો. પોસ્ટમોર્ટમ રિપોર્ટ આવ્યા બાદ જ અંતિમ સંસ્કાર થવા જોઈતા હતા.
માતાએ પોસ્ટ મોર્ટમ રિપોર્ટ પર શંકા
આકાંક્ષા દુબેની માતા મધુ દુબેએ પોસ્ટ મોર્ટમ રિપોર્ટ પર સવાલ ઉઠાવ્યા છે. તેણે કહ્યું કે આકાંક્ષાએ ગઈકાલે રાત્રે જે પાર્ટીમાં હાજરી આપી હતી તેમાં દારૂ પીધો હતો. પરંતુ પોસ્ટ મોર્ટમ રિપોર્ટમાં અભિનેત્રીના પેટમાંથી ન તો ખોરાક મળ્યો ન તો કોઈ પ્રકારનું પ્રવાહી. આવી સ્થિતિમાં આકાંક્ષાના પરિવારને શંકા છે કે આ રિપોર્ટ સાથે છેડછાડ કરવામાં આવી છે.
વકિલે ઉઠાવ્યા આ સવાલ
આકાંક્ષાની માતા મધુ દુબેના વકીલ શશાંક શેખર ત્રિપાઠીએ કહ્યું કે પોસ્ટમોર્ટમ રિપોર્ટમાં એવું લખવામાં આવ્યું છે કે અભિનેત્રીના પેટમાં ન તો ખોરાક મળ્યો ન તો કોઈ પ્રકારનું પ્રવાહી. પરંતુ પેટમાંથી ભૂરા રંગનો પદાર્થ મળી આવ્યો છે. તે શું છે તે વિશે કંઈ કહેવામાં આવતું નથી.જો અભિનેત્રીના પેટમાંથી ખરેખર કંઈ મળ્યું નથી તો તે ભૂરા રંગનો પદાર્થ કયો છે. આ 20 મિલી પદાર્થ વિશે કેમ કંઈ કહેવાઈ રહ્યું નથી.વકીલે એવો પણ સવાલ ઉઠાવ્યો હતો કે પોલીસે સ્પષ્ટ કહ્યું હતું કે આકાંક્ષાના શરીર પર કોઈ ઈજાના નિશાન નથી પરંતુ પોસ્ટ મોર્ટમ રિપોર્ટમાં કાંડા પર ઈજાના નિશાનની વાત કરવામાં આવી છે.
ભોજપુરી ઈન્ડસ્ટ્રીના જાણીતા લોકો દ્વારા શોષણ
વકીલનો આરોપ છે કે ભોજપુરી ઈન્ડસ્ટ્રીના ઘણા જાણીતા લોકો દુબેનું શોષણ કરી રહ્યા હતા. તેના કામ માટે ચૂકવણી કરતા ન હતા. 25 વર્ષીય અભિનેત્રી 26 માર્ચે પંખા સાથે કપડાના ટુકડા સાથે લટકતી હાલતમાં મળી આવી હતી. અભિનેત્રીએ અનેક પ્રાદેશિક ફિલ્મોમાં કામ કર્યું છે. જેમાં ‘કસમ પૈદા કરને વાલે કી 2’, ‘મુઝસે શાદી કરોગી’ (ભોજપુરી) અને ‘વીરોન’ જેવી ફિલ્મો સામેલ છે.
આ પણ વાંચો : સોશિયલ મીડિયા પર છવાયું રાધિકા મર્ચન્ટનું પર્સ, કિંમત જાણી ચોંકી જશો
