અજય પટેલ કોઓપરેટિવ બેંક ઓફ ઈન્ડિયાના ચેરમેન બન્યા છે. આ પહેલા તેઓ ગુજરાત રાજ્ય સહકારી બેંક અને અમદાવાદ જિલ્લા સહકારી બેંકના ચેરમેન પદે રહી ચૂક્યા છે. તેઓ રમતગમત સંગઠનોમાં પણ સામેલ રહ્યાં છે. તેમણે ગુજરાત રાજ્ય ચેસ એસોસિએશનના પ્રમુખ અને રાષ્ટ્રીય રાઈફલ એસોસિએશનના ઉપપ્રમુખ તરીકેની જવાબદારી નિભાવી છે.
અમદાવાદના રહેવાસી અજય પટેલને છે બેંકોનો બહોળો અનુભવ
અજય પટેલનો જન્મ 9 ફેબ્રુઆરી 1962ના રોજ અમદાવાદમાં થયો હતો. વિદ્યુતની દુકાન ધરાવતા એક નમ્ર પરિવારમાં જન્મેલા પટેલે દિવાન-બલ્લુભાઈ સ્કૂલમાં તેમનું શાળાકીય શિક્ષણ પૂર્ણ કર્યું અને લાલભાઈ દલપતભાઈ કૉલેજ ઑફ એન્જિનિયરિંગમાંથી સિવિલ એન્જિનિયરિંગમાં સ્નાતકની ડિગ્રી મેળવી હતી. તેઓ સામાજિક જીવનમાં પણ સફળ છે. પટેલે દેવાંગના પટેલ સાથે લગ્ન કર્યા છે અને તેમને 3 બાળકો છે.
તેમની કારકિર્દી વિશે જાણો
પટેલ હાલમાં ભારતના બેંકિંગ અને રમતગમત ઉદ્યોગમાં બહુવિધ ભૂમિકાઓ ભજવી રહ્યા છે. કોઓપરેટિવ બેંક ઓફ ઈન્ડિયાના ચેરમેન બન્યા તે પહેલા તેઓ અનેક બેંકોમાં ચેરમેનના પદ પર ભૂમિકા ભજવી ચૂક્યા છે.
I consider it a great privilege to have been elected as Chairman of the Co-operative Bank of India. Looking forward to bring the same great upgrade that I have done as a Chairman of GSC & ADC Bank for years.#AjayPatel pic.twitter.com/P07aOUVSAT
— Ajay Patel (@ajayhpatel9262) June 15, 2023
અનેક બેંકોમાં ભજવી છે મહત્વપૂર્ણ ભૂમિકા
- ગુજરાત રાજ્ય સહકારી બેંકના ચેરમેન
- અમદાવાદ જિલ્લા સહકારી બેંકના ચેરમેન
- ઈન્ડિયન ઓલિમ્પિક્સ એસોસિએશનના વરિષ્ઠ ઉપાધ્યક્ષ ઈન્ટરનેશનલ સ્પોર્ટ્સ
- ગુજરાત ચેમ્બર્સ ઓફ કોમર્સ એન્ડ ઇન્ડસ્ટ્રી (GCCI) વાઇસ પ્રેસિડેન્ટ કોમર્સ એન્ડ ઇન્ડસ્ટ્રી
- ઈન્ડિયન રેડક્રોસ સોસાયટી-ગુજરાત રાજ્ય શાખાના અધ્યક્ષ સમાજ કલ્યાણ
- અખિલ ભારતીય ચેસ એસોસિએશનના પ્રમુખ રમતગમત ઉદ્યોગ
- નેશનલ રાઈફલ એસોસિએશનના વાઇસ પ્રેસિડેન્ટ સ્પોર્ટ ઈન્ડસ્ટ્રી
- એશિયન ચેસ ફેડરેશનના પ્રમુખ સ્પોર્ટ ઉદ્યોગ
- કર્ણાવતી ક્લબ બોર્ડ ઓફ ડિરેક્ટર્સના સભ્ય, રમતગમત ઉદ્યોગ
- ADC બેંકના અધ્યક્ષ તરીકે તેમણે ગુજરાતની શાળાઓમાં ચેસના તાલીમ કાર્યક્રમોને સ્પોન્સર કર્યા હતા.
- તેમણે ભારતમાં સૌપ્રથમ ચેસ કોલેજ શરૂ કરી જે સ્વર્ણિમ ગુજરાત સ્પોર્ટ્સ યુનિવર્સિટી હેઠળ સંલગ્ન છે.
પુરસ્કારો અને સન્માન
અજય પટેલેને નેશનલ ફેડરેશન ઓફ સ્ટેટ કો-ઓપરેટિવ બેંક્સ લિમિટેડ (NAFSCOB), રાજ્યની સહકારી બેંકોની સર્વોચ્ચ સંસ્થા તરફથી માન્યતા અને પ્રશંસા પુરસ્કારોથી સન્માનિત કરવામાં આવી ચૂક્યા છે. ADC બેંકના અધ્યક્ષ તરીકેની સક્રિય ભૂમિકા બદલ તેમને સહકાર ભારતી 5મી રાષ્ટ્રીય પરિષદમાં પ્રશંસા પુરસ્કાર પણ આપવામાં આવ્યો હતો. અજય પટેલને ક્રિભકોની 36મી વાર્ષિક સાધારણ સભાના પ્રસંગે સહકારી ચળવળમાં તેમના યોગદાન બદલ સહકારી શિરોમણી એવોર્ડથી પણ સન્માનિત કરાયા હતા.
આ પણ વાંચોઃ બિપરજોય: PGVCLની 117 ટીમો 3200 વીજ પોલ અને 2500 ટ્રાન્સફોર્મર સાથે સ્ટેન્ડબાય
