અજય દેવગણની દ્રશ્યમ-2 એ તોડ્યા આ ફિલ્મોના રેકોર્ડઃ સામેલ થઇ ટોપ-10 માં

અજય દેવગણની ફિલ્મ ‘દ્રશ્યમ-2’ એ બોક્સ ઓફિસ પર જબરજસ્ત બ્લાસ્ટ કર્યો છે. હજુ પણ તેની શાનદાર સફર જારી છે. ‘દ્રશ્યમ-2’ને રિલીઝ થયે 22 દિવસ વીતી ચુક્યા છે, પરંતુ કમાણીની બાબતમાં હજુ પણ તેણે સ્પીડ જાળવી રાખી છે. ભારતમાં ‘દ્રશ્યમ-2’ ફિલ્મ 200 કરોડની ક્લબમાં સામેલ થવા તૈયાર છે. દુનિયાભરમાં આ ફિલ્મ 300 કરોડની કમાવવાની નજીક છે. આ સાથે જ ‘દ્રશ્યમ-2’ આ વર્ષની ચોથી સૌથી હાઇએસ્ટ ગ્રોસિંગ ફિલ્મ બની ચુકી છે. ફિલ્મના 22માં દિવસના કલેક્શનના આંકડા પણ સામે આવ્યા છે.

‘દ્રશ્યમ-2’ની શાનદાર કમાણી

વર્ષ 2015માં આવેલી અજય દેવગણની ફિલ્મ ‘દ્રશ્યમ’ની રિમેકના રૂપમાં ‘દ્રશ્યમ-2’ એ શાનદાર કમાણી કરી છે. ‘દ્રશ્યમ-2’ એ પહેલા દિવસે 15.38 કરોડથી ખાતુ ખોલ્યુ હતુ. ત્યારબાદ પહેલા વીકેન્ડ પર આ ફિલ્મે 100 કરોડથી ઉપર કમાણી કરી હતી. બીજા વીકમાં તેની કમાણી ઘટીને 58.82 થઇ ગઇ હતી અને ત્રીજા અઠવાડિયામાં આ કમાણી 32.82 કરોડ સુધી પહોંચી હતી. હવે આ ફિલ્મ ત્રીજા વીકમાં પ્રવેશી ચુકી છે. ફિલ્મે રિલીઝના ત્રીજા શુક્રવારે 2.10 કરોડનું કલેક્શન કર્યુ છે. આમ ફિલ્મનું કુલ કલેક્શન 198.40 કરોડને પાર થઇ ચુક્યુ છે.

હાઇએસ્ટ ગ્રોસિંગના લિસ્ટમાં થઇ સામેલ

‘દ્રશ્યમ-2’ એ ગ્લોબલી 300 કરોડનો આંકડો પાર કરી લીધો છે. ‘દ્રશ્યમ-2’ એ આ વર્ષની હાઇએસ્ટ ગ્રોસિંગ ફિલ્મના લિસ્ટમાં ટોપ 5 માં સામેલ થઇ ગઇ છે. ફિલ્મ આ વર્ષની ત્રીજા અઠવાડિયે સૌથી વધુ કમાણી કરનારી ફિલ્મોના લિસ્ટમાં સામેલ થઇ ચુકી છે. આ વર્ષે રીલીઝ થયેલી મોટી ફિલ્મોએ રિલીઝના ત્રીજા અઠવાડિયામાં RRR (38.20 કરોડ રૂ. ), KGF (49.14 કરોડ રૂ.), કાશ્મીર ફાઇલ્સ (30.95 કરોડ રૂ.) , બ્રહ્માસ્ત્ર ( 26.76 કરોડ રૂ.) ની કમાણી કરી હતી. આ સાથે વિવેક અગ્નિહોત્રીની ફિલ્મને પછાડીને દ્રશ્યમ-2 એ 32.82 કરોડની કમાણી કરી છે. દ્રશ્યમ-2ના કલેક્શનથી અજય દેવગણ પોતાની જ ફિલ્મ ‘તાન્હાજી’ને પણ માત આપી રહ્યો છે.

આ પણ વાંચોઃ ‘નો પ્લાસ્ટિક’થીમ પર સુરતના ખેડૂતે દીકરીના લગ્નમાં આવનાર પેઢીને આપ્યો અનોખો સંદેશ