અજય દેવગનનો હટકે અંદાજ ! માથા પર ભસ્મ….હાથમાં શ્રીમદ્ ભગવદ્ ગીતા…
અજય દેવગન તેની તાજેતરમાં રિલીઝ થયેલી ફિલ્મ ‘દ્રશ્યમ 2’ બાદ વધુ એક ધમાકો કરવા જઈ રહ્યો છે. અભિનેતા ટૂંક સમયમાં ફિલ્મ ‘Bhola’ સાથે આવી રહ્યો છે, જેનું ટીઝર રિલીઝ કરવામાં આવ્યું છે. એક દિવસ અગાઉ અજય દેવગણે ફિલ્મનું મોશન પોસ્ટર રિલીઝ કર્યું હતું, ત્યારથી લોકોમાં ફિલ્મના ટીઝરને લઈને એક્સાઈટમેન્ટ છે. ‘Bhola’ એક સસ્પેન્સ થ્રિલર ફિલ્મ છે, જેમાં અજય એક્શન કરતો જોવા મળશે.
Kaun hai woh… jisko pata hai, woh khud laapata hai#BholaaTeaserOutNow #BholaaIn3Dhttps://t.co/O77rIsMsXg#Tabu @ADFFilms
— Ajay Devgn (@ajaydevgn) November 22, 2022
‘Bhola’નું ટીઝર સસ્પેન્સથી ભરપૂર
‘Bhola’ના ટીઝરની શરૂઆત સરસ્વતી નામના અનાથાશ્રમથી શરૂ થાય છે, જ્યાં ધ્યાન એક નાની છોકરી પર છે. અનાથાશ્રમના રખેવાળ છોકરીને કહે છે કે કોઈ તેને મળવા જઈ રહ્યું છે, જે સાંભળીને તે મૂંઝવણમાં પડી જાય છે કે તેને કોણ મળવાનું છે કારણ કે તેની પાસે કોઈ નથી. ટીઝર પછી જેલનું દ્રશ્ય અને અજય દેવગનની એન્ટ્રી બતાવે છે, જે એક કેદી છે અને જેલમાંથી મુક્ત થવાનો છે. જેલમાં આ કેદી રામ ભક્ત છે અને શ્રીમદ્ ભગવદ્ ગીતા વાંચે છે. જેલમાં આ કેદીને જોઈને દરેકનો આત્મા કંપી ઉઠે છે. તે કોણ છે, ક્યાંથી આવ્યો છે અને શા માટે જેલમાં છે તેની કોઈને ખબર નથી. ‘Bhola’ ફિલ્મનું આ ટીઝર સસ્પેન્સથી ભરેલું છે અને અજય દેવગન ડાર્ક કેરેક્ટરમાં જોવા મળી રહ્યો છે.
‘Bhola’સાઉથની ફિલ્મની રિમેક
અજય દેવગનની ફિલ્મ ‘Bhola’ સાઉથની બ્લોકબસ્ટર ફિલ્મ ‘કૈથી’ ની હિન્દી રિમેક છે. મૂળ ફિલ્મમાં સુપરસ્ટાર કાર્તિ શિવકુમારે મુખ્ય ભૂમિકા ભજવી હતી. આ ફિલ્મે બોક્સ ઓફિસ પર શાનદાર કલેક્શન કર્યું હતું. હાલમાં જ આ ફિલ્મની સિક્વલની પણ જાહેરાત કરવામાં આવી છે, જેમાં સાઉથ સેન્સેશન કમલ હાસન જોવા મળશે. ‘Bhola’ની વાર્તાની વાત કરીએ તો તે ડ્રગ માફિયાની આસપાસ ફરે છે. ફિલ્મમાં પિતા-પુત્રી વચ્ચેનું બોન્ડિંગ પણ જોવા મળશે.
તબ્બુ પણ આ ફિલ્મનો એક ભાગ
‘Bhola’ની સ્ટાર કાસ્ટની વાત કરીએ તો અજય દેવગન સાથે તબ્બુ પણ મહત્વના રોલમાં જોવા મળશે. આ સાથે ચાહકોને Drishyam-2 પછી ફરી એકવાર બંનેને સાથે જોવાનો મોકો મળશે. આ ફિલ્મ 30 માર્ચ, 2023ના રોજ સિનેમાઘરોમાં આવશે. ‘Bhola’નું પ્રોડક્શન ટી-સિરીઝ, રિલાયન્સ એન્ટરટેઈનમેન્ટ અને અજય દેવગન ફિલ્મ્સ દ્વારા કરવામાં આવ્યું છે. ‘Bhola’માં એક્ટિંગની સાથે અજયે ફિલ્મનું દિગ્દર્શન પણ કર્યું છે. તેમના નિર્દેશનમાં બનેલી આ ચોથી ફિલ્મ છે, આ પહેલા અજયે U Me Aur Hum, Shivaay, Runway- 34 જેવી ફિલ્મોનું નિર્દેશન કર્યું છે.
