સરબજીતમાં ઐશ્વર્યાને રિયલ દેખાડવાની ખૂબ કોશિશ થઈ, પરંતુ તે અનરિયલ છેઃ રણદીપ હૂડા

• રણદીપ હૂડા વીર સાવરકર ફિલ્મમાં પોતાના ટ્રાન્સફોર્મેશનને લઈને ચર્ચામાં છે. આ અગાઉ સરબજીત ફિલ્મમાં પણ તેના ખૂબ વખાણ થયા હતા. ફિલ્મમાં તેની સાથે ઐશ્વર્યા રાય પણ હતી. તેણે સરબજીતની બહેનનું પાત્ર ભજવ્યું હતું

રણદીપ હૂડા વીર સાવરકર ફિલ્મમાં પોતાના ટ્રાન્સફોર્મેશનને લઈને ચર્ચામાં છે. તેણે આ ફિલ્મ માટે ખૂબ જ મહેનત કરી છે. રોલમાં ફિટ થવા માટે તેનું ડેડિકેશન પહેલા પણ અનેક વખત જોવા મળ્યું છે. આ અગાઉ સરબજીત ફિલ્મમાં પણ તેના ખૂબ વખાણ થયા હતા. ફિલ્મમાં તેની સાથે ઐશ્વર્યા રાય પણ હતી. તેણે સરબજીતની બહેનનું પાત્ર ભજવ્યું હતું, હવે રણદીપ હૂડાએ એક ઈન્ટરવ્યૂમાં જણાવ્યું છે કે તેને ઐશ્વર્યા કરતા સરબજીતની બહેન સાથે સારું બોન્ડિંગ હતું. તેણે જ સરબજીતની બહેનની ચિતાને દાહ આપ્યો હતો.

ઐશ્વર્યા અનરિયલ છે

રણદીપ હૂડાએ એક ઈન્ટરવ્યૂમાં જણાવ્યું કે સરબજીતની બહેનનો ફિલ્મમાં રોલ ઐશ્વર્યા રાયે ભજવ્યો હતો. તે ખૂબ વિનમ્ર હતી અને તેણે કામ પણ સારી રીતે કર્યું. તે રોલ માટે પણ ડેડિકેટેડ હતી. રણદીપે કહ્યું કે તેની સાથે વધુ સીન ન હતા તો વધારે વાતચીત થઈ ન શકી. રણદીપે હસીને કહ્યું કે ઐશ્વર્યાને રિયલ બતાવવાની ખૂબ કોશિશ કરાઈ, પરંતુ તે તો અનરિયલ છે.

રણદીપે પૂરી કરી હતી બહેનની ઈચ્છા

રણદીપે જણાવ્યું કે ઐશ્વર્યા કરતા વધારે બોન્ડિંગ તો તેને સરબજીતની અસલી ફેમિલી સાથે થઈ ગયું હતું. રણદીપે કહ્યું ફિલ્મ દરમિયાન સરબજીતની બહેન સાથે તો ખૂબ જ સારું બોન્ડિંગ થઈ ગયું હતું. હવે તે આ દુનિયામાં નથી. તેમની ઈચ્છા હતી કે હું તેમની ચિતાને દાહ આપું અને મેં તે ઈચ્છા પૂર્ણ પણ કરી. કાશ હું તેમની સાથે થોડો વધુ સમય વીતાવી શકત. તે મહાન મહિલા હતી. તેણે ખરેખર સરબજીતના બાળકોની દેખરેખ કરી હતી, હવે તેઓ સેટલ થઈ ગયા છે. હું હજી પણ તેમના ટચમાં છું. ફિલ્મનો અસલી લાઈફમાં પણ ફર્ક પડ્યો.

આ પણ વાંચોઃ WhatsAppમાં આવી રહ્યું છે કમાલનું ફીચર, વોઇસ મેસેજ પ્લે કર્યા વિના જ જાણી શકાશે