ટ્રાયના આદેશની અસર: Airtelએ લોન્ચ કર્યા ખાલી વોઈસ અને SMS માટે પ્લાન, 178 રુપિયામાં કામ થઈ જશે

Airtel New Voice and SMS Only Plans: દેશની બીજી સૌથી મોટી ટેલિકોમ કંપની ભારતી એરટેલે પોતાના યુઝર્સને ખુશ કરી દેતા નવો પોકેટ ફ્રેન્ડલી પ્લાન્સ લોન્ચ કર્યો છે. આ પ્લાન્સ ફક્ત વોઈસ કોલિંગ અને એસએમએસ બેનેફિટ્સ સાથે આવે છે. ત્યારે આવા સમયે જો તમારો ડેટ યુઝ ન હોય તો આપ આપના ફીચર ફોનમાં એરટલેનો આ પ્લાન્સ કામમાં આવશે. એરટલે આ બંને નવા પ્લાન્સની કિંમત 499 અને 1959 રુપિયા રાખી છે.

ત્યારે આવા સમયે આપ 499 રુપિયાવાળા પ્લાનનું રિચાર્જ કરાવશો તો આપ આખો મહિનો (30 દિવસ) 178માં સિમ કાર્ડ ચાલું રાખી શકશો, સાથે જ અનલિમિટેડ કોલ્સ અને એસએમએસ કરી શકશો. તો આવો જાણીએ આ પ્લાન્સ વિશે વધુ વિગતો…

એરટેલનો 499 રુપિયાવાળો પ્લાન

એરટેલે નવો 499 રુપિયાનો પ્રિપેડ પ્લાનમાં 84 દિવસની વેલિડિટી સાથે અનલિમિટેડ વોઈસ કોલ અને 900 એસએમએસ આપ્યા છે. આ ઉપરાંત એરટેલ રિવોર્ડ્સમાં 3 મહિના માટે અપોલો 24/7 સર્કલ અને મફત હેલો ટ્યૂન્સનું સબ્સક્રિપ્શન આપી રહ્યા છે.

પહેલા આ સેગમેન્ટનો એક પ્લાનની કિંમત 509 રુપિયા હતી, જેમાં યુઝર્સને 6 જીબી ડેટા, ફ્રી કોલ્સ અને 100 એસએમએસ રોજ મળતા હતા. હવે 10 રુપિયાના અંતરમાં આ નવો પ્લાન રજૂ કર્યો છે, જે ડેટા વિના આવે છે.

એરટેલનો 1959 રુપિયાવાળો પ્લાન

લાંબી વેલિડિટી જોઈએ તો યુઝર્સ માટે એરટલે નવો કોલિંગ અને એસએમએસવાળો પ્લાન લોન્ચ કર્યો છે, જેમાં 1959 રુપિયાનું રિચાર્જ કરાવાનું રહેશે. આ પ્લાન આપને 365 દિવસની વેલિડિટી આપશે. એટલે આખું વર્ષનું રિચાર્જ કરીને આખું વર્ષ કોઈ પણ નેટવર્ક પર અનલિમિટેડ વાતો કરી શકશો અને 3600 એમએમએસ મોકલી શકશો. આ ઉપરાંત આ પ્લાનમાં એરટેલ રિવોર્ડ્સમાં 3 મહિના માટે અપોલો 24/7 સર્કલ સદસ્યતા અને મફત હેલો ટ્યૂન્સ મળશે.

અહીં ઉલ્લેખનિય છે કે ભારતીય દૂરસંચાર નિયામક પ્રાધિકરણે (ટ્રાય)ના આદેશ અનુસાર, ફક્ત વોઈસ અને એમએમએસ પ્રીપેડ પ્લાન લોન્ચ કર્યા છે.