એરપોર્ટ ચોરી કેસ, 7 બેગેજ હેન્ડલરની ધરપકડઃ એરપોર્ટ અધિકારીઓ પણ શંકાના ઘેરામાં

એરપોર્ટ ચોરી કેસ: દિલ્હી પોલીસે દિલ્હીના ઇન્દિરા ગાંધી ઇન્ટરનેશનલ એરપોર્ટ પર શ્રેણીબદ્ધ ચોરીઓના સંબંધમાં સાત લોડર્સની ધરપકડ કરી છે. પોલીસે આરોપીઓના કબજામાંથી સોનાના દાગીના, લક્ઝરી ઘડિયાળો, એરપોડ્સ અને વિદેશી ચલણનો મોટો જથ્થો પણ જપ્ત કર્યો છે.

હેન્ડલરની ધરપકડ પછી અધિકારીઓની પણ પૂછપરછ

અધિકારીઓએ જણાવ્યું કે એરલાઇન્સમાં ચોરીની આવી ઘટનાઓને રોકવા માટે સંબંધિત એરલાઇન્સના અધિકારીઓની પણ પૂછપરછ કરવામાં આવી રહી છે અને ચાર્જશીટ દાખલ કરવામાં આવી રહી છે.

નેપાલથી દિલ્હી આવતી વિસ્તારા ફ્લાઈટમાં પણ આવી જ ઘટના બની હતી

નેપાલથી દિલ્હી અને દિલ્હીથી અમદાવાદ વિસ્તારાની ફ્લાઈટમાં આવી રહેલાં એક સિનિયર સિટીઝનના બેગનું લોક ખુલ્લુ જોવા મળ્યું અને અંદરનો સામાન વેરવિખેર હાલતમાં હતો. આમ ચોંકી ઉઠેલા સિનિયર સિટીઝને આ અંગે એરપોર્ટ પરના વિસ્તારાના સ્ટાફને ફરિયાદ કરતા યોગ્ય સહયોગ આપ્યો નહીં, ઊલટાનું એવું કહ્યું કે, તમારો કોઈ સામાન તો ચોરાયો નથી તો પછી શું કામ ફરિયાદ કરો છો. આખરે સિનિયર સિટીઝને એરલાઇન્સ કંપનીને ઈ-મેઇલ દ્વારા ફરિયાદ કરી હતી.

પોલીસ તપાસ દરમીયાન અનેક ચોરેલી વસ્તુઓ મળી આવી

દિલ્હી પોલીસ દ્વારા દિલ્હી એરપોર્ટ પરથી જે 7 બેગેજ હેન્ડલરની ધરપકડ કરવામાં આવી તેઓની તપાસ દરમીયાન અનેક મુદ્દા માલ મળી આવ્યો છે. જપ્ત કરાયેલ વસ્તુઓમાં સફેદ મોતીથી જડેલી સોનાની બુટ્ટીઓની એક જોડી, સોનાની બે જોડી સોનાની બુટ્ટી, એક સોનાની ચેન, એક જોડી સોનાના ટોપની, એક સોનાની નાની ચેઇન, એક જોડી સોનાની બુટ્ટી, એક પેન્ડન્ટ સાથેનું એક તૂટેલું સોનાનું મંગળસૂત્ર, બે જોડી. સોનાની સાંકળના તૂટેલા ટુકડા, એક સુવર્ણ મહિલા સાંકળ, બે લક્ઝરી ઘડિયાળો, બે એરપોડ્સ, સનગ્લાસની જોડી અને પાંચ અલગ-અલગ વિદેશી દેશોનું ચલણ મળી આવ્યું છે.

આ પણ વાંચો: એર ઈન્ડિયાનું A350 એરક્રાફ્ટ નવા લોગો અને ડિઝાઈન સાથે તૈયાર