ટાટા ગ્રુપની દરિયાદિલી: એર ઈંડિયાની ફ્લાઈટમાં અડધી કિંમતે ટિકિટ મળશે, બસ આ શરત લાગૂ પડશે

નવી દિલ્હી, 15 જાન્યુઆરી 2025: જો તમે ફેમિલી અથવા ખુદ ઈંડિયન આર્મી અથવા અર્ધસૈનિક દળના જવાન છો તો આ સમાચાર આપના માટે કામના છે. જી હાં, ટાટા ગ્રુપની એરલાઈન એર ઈંડિયા એક્સપ્રેસ આર્મી ડે પર શાનદાર ઓફર લઈને આવી છે. એરલાઈને આર્મી ડે પર દેશના ડિફેન્સ એન્ડ પેરામિલિટ્રી ફોર્સના જવાનો માટે ફ્લાઈટની ટિકિટમાં 50 ટકાની છૂટ આપવાની જાહેરાત કરી છે. જવાનોને આ છૂટ ભારતીય સેના દિવસ અવસર પર આપવામાં આવી રહી છે. એરલાઈનની આ સુવિધા અંતર્ગત ટિકિટ બુકિંગ આજે જ એટલે કે 15 જાન્યુઆરીએ કરવાની રહેશે.

એર લાઈન તરફથી આપવામાં આવેલી જાણકારીમાં કહેવાયું છે કે આ ઓફર ફક્ત 15 જાન્યુઆરી 2025ના રોજ કરવામાં આવેલા બુકિંગ માટે છે. ઓફર અંતર્ગત ટિકિટ બુક કરાવવા પર 15 જાન્યુઆરીથી 31 માર્ચની વચ્ચે મુસાફરી કરી શકશે. ડિફેન્સ એન્ડ પેરામિલિટ્રી ફોર્સના જવાનો પોતાની અને ડિપેંડેન્સની ટિકિટ બુકિંગ એરલાઈનની વેબસાઈટ airindiaexpress.com પર અથવા મોબાઈલ એપ દ્વારા કરી શકશે. ટિકિટ બુકિંગની સુવિધા એરલાઈનના iOS અથવા Android એપ પર પણ મળશે. ઓફરનો ફાયદો ઉઠાવવા માટે તમારે પ્રોમો કોડ ‘DEFENCE’નો યુઝ કરવો પડશે.

આ શહેરોની મુસાફરી કરી શકશો.

આ છૂટ એરલાઈને દેશની અંદર ઉડાન ભરતા તમામ 37 શહેરોમાં લાગૂ થશે. 37 શહેરોમાં સેના, વાયુ સેના અને નૌસેનાના મહત્વના કેન્દ્રો પણ સામેલ છે. ઉદાહરણ તરીકે સેના પ્રમુખ કેન્દ્ર જેમ કે જયપુર, કોલકાતા, લખનઉ અને પુણે, વાયુ સેનાના કેન્દ્ર તરીકે દિલ્હી અને તિરુવનંતપુરમ અને નૌસેનાના મુખ્ય કેન્દ્ર જેમ કે કોચ્ચિ, મુંબઈ, વિશાખાપટ્ટનમ અને ભુવનેશ્વરને પણ આ છૂટનો ફાયદો મળશે. આપને જણાવી દઈએ કે, એરલાઈન તરફથી ડિફેન્સ સાથે જોડાયેલ જવાનોને આખું વર્ષ ફઅરીમાં પ્રિયોરિટી બોર્ડિંગની પણ સુવિધા આપવામાં આવે છે. આ છૂટનો ફાયદો સેનાના રિટાયર થવાના જવાનો પણ ઉઠાવી શકે છે.

આ પણ વાંચો: મહાકુંભ 2025/ સ્ટીવ જોબ્સના પત્ની બીમાર પડ્યા, છતાં પોવેલની સંગમ સ્નાનની ઈચ્છા અતૂટ