- નામચીન બિલ્ડરો બ્રાન્ડેડ દારૂ સાથે પાર્ટી કરતા ઝડપાયા
- બિલ્ડરના પુત્રને જન્મદિવસમાં દારૂની પાર્ટી આપવી ભારે પડી
- દારૂની મહેફિલ પર પોલીસે દરોડા પાડી 8 લોકોને પકડ્યા
અમદાવાદમાં નામચીન વેપારીઓ દારૂની મહેફિલ માણતા ઝડપાયા છે. જેમાં રાજદીપ વિલા બંગલોમાંથી દારૂની મહેફિલ ઝડપાઈ છે. વિનસ ગ્રુપના બિલ્ડરના પુત્રની જન્મદિવસની પાર્ટી હતી. તેમાં દારૂની મહેફિલ જામી હતી. તેથી પોલીસે 8 દારૂડિયા નામચીન વેપારીઓની ધરપકડ કરી છે.
આ પણ વાંચો: અમદાવાદ: ITના આસીસ્ટન્ટ કમિશનરની લાંચ કેસમાં CBIએ ધરપકડ કરી
જન્મદિવસ હોવાથી મિત્રોને જમવા તથા દારૂ પીવા આમંત્રણ આપ્યું
પોલીસે નવીન વાસવાની નામના આરોપીની પૂછપરછતા કરતા જાણવા મળ્યું હતું કે તેનો જન્મદિવસ હોવાથી મિત્રોને જમવા તથા દારૂ પીવા આમંત્રણ આપ્યું હતું. 2 મહિના અગાઉ આરોપી દુબઇ ગયો હતો ત્યારે ત્યાંથી દારૂની બોટલ લાવ્યો હોવાનું જાણવા મળ્યું હતું. આ ઉપરાંત અન્ય 7 લોકો પણ દારૂની મહેફિલ માણતા ઝડપાયા હતા. પોલીસે તમામ આરોપીઓની ધરપકડ કરીને કાર્યવાહી શરૂ કરી હતી. પકડાયેલ તમામ આરોપીઓ શહેરના પોષ વિસ્તારના જ રહેવાસી છે.
આ પણ વાંચો: સુરતમાં આપ નેતા ગોપાલ ઇટાલિયા હર્ષ સંઘવી પર ટિપ્પ્ણી કરી ભરાયા
વિનસ ગ્રુપના માલિક અશોક વાસવાની ઝડપાયો
ઉલ્લેખનીય છે કે વિનસ ગ્રુપના માલિક અશોક વાસવાની ઝડપાયો છે. જેમાં ગત રાત્રે દારૂની મહેફિલ માણતા 8 લોકો ઝડપાયા છે. તેમાં આનંદ નગર પોલીસે દારૂની મહેફિલ પર રેડ કરી હતી. નામચીન વેપારીઓ દારૂની મહેફિલ માણી રહ્યા હતા. તેમાં જન્મદિવસની પાર્ટીમાં નવીન વાસવાની – રાજદીપ વિલા 1 આનંદ નગર, કપિલ વાસવાણી – રાજદીપ વિલા 1 આનંદ નગર, હરિજિત ગુલબાની – વેનીસન વિલા, શીલજ, પ્રવીણ મહેતાણી – પુષ્પક બંગલો, બોપલ, દીપ ઠક્કર – સન રાઈઝ પાર્ક, વસ્ત્રાપુર, નિખિલ મહેતાણી – અમ્ર પલાસ બંગલો, સેટેલાઇટ, રાહુલ વાઘેલા – નીલકંઠ રેસી, નારણપુરા, જય સુરતી – સેન્ટર પોઇન્ટ, આંબાવાડી સહિતના ઝડપાયા છે. તેમાં વિનસ ગ્રુપના બિલ્ડરના પુત્ર નવીન વાસવાનીનો જન્મ દિવસ હતો. વિનસ ગ્રુપના માલિક અશોક વાસવાની સહિત તેના ભાઈઓ છે.
