રાજકોટમાં સતત બીજા દિવસે કોરોનાનો એક કેસ, એક્ટિવ કેસની સંખ્યા બે થઈ

રાજકોટ શહેરમાં છેલ્લા બે દિવસમાં બે કોરોનાના નવા કેસ નોંધાયા છે. હાલ શહેરમાં કોરોનાના એક્ટિવ કેસની સંખ્યા બે પર પહોચી ગઈ છે. ઉલ્લેખનીય છે કે ગઈકાલે પણ કોરોનાનો નવો એક કેસ નોંધાયો હતો.

છેલ્લા 24 કલાકમાં રાજ્યમાં 37 નવા કેસ નોંધાયા છે જ્યારે 31 દર્દીને રજા આપવામાં આવી. અમદાવાદ શહેરમાં 28, ગાંધીનગર શહેરમાં 3, સુરત શહેરમાં 2, મહેસાણા 1, રાજકોટ શહેરમાં1, વડોદરા ગ્રામ્યમાં 1 અને વડોદરા શહેરમાં 1 કેસ સામે આવ્યો છે.

રાજ્યમાં એક્ટિવ કેસનો આંકડો 192 પર પહોચ્યો છે. આ પૈકી એકપણ દર્દી વેન્ટિલેટ પર નથી. રાજ્યમાં સ્ટેબલ દર્દીની સંખ્યા 192 છે. જ્યારે અત્યાર સુધીમાં 12,13,868 દર્દી સાજા થયા છે. જ્યારે અત્યાર સુધીમાં કુલ 10,944 દર્દીના મોત થયા છે.