અમદાવાદ: સગા કાકાએ જ 6 વર્ષની ભત્રીજી સાથે કર્યુ દુષ્કર્મ

અમદાવાદ: શહેરમાં મહિલાઓની સાથે નાની બાળકીઓ પણ સુરક્ષિત નથી. શહેરના સોલા વિસ્તારમાં 6 વર્ષની બાળકી પર સગા કાકાએ જ દુષ્કર્મ આચરતા પોલીસ ફરિયાદ નોંધાઈ છે. સોલા પોલીસે પોક્સો અને બળાત્કારની કલમો હેઠળ ગુનો નોંધી બળાત્કારી કાકાની ધરપકડ કરી છે.

સગા કાકાએ ભત્રીજી સાથે કર્યુ દુષ્કર્મ:

શહેરના સોલા પોલીસે ઝડપાયેલ આરોપીએ પોતાની છ વર્ષની સગી ભત્રીજી પર દુષ્કર્મ આચર્યું  હતું. ગત મોડી રાત્રે છ વર્ષની બાળકી અચાનક જ રડતા તેની માતા પાસે પહોંચી અને શરીરમાં દુખાવો થતો હોવાની રજૂઆત કરી હતી જે અંગે માતાએ  પૂછપરછ કરતા બાળકીને કાકાએ તેની સાથે ખોટું કામ કર્યું હોવાની રજૂઆત કરી હતી.

મોબાઈલમાં અશ્લીલ વીડિયો જોયા બાદ દુષ્કર્મ કર્યું:

પૂછપરછ કરતા હકીકત સામે આવી કે આરોપીએ પોતાના મોબાઈલમાં અશ્લીલ વીડિયો જોયા બાદ ભત્રીજી સાથે દુષ્કર્મ કર્યું હતું. જેથી પોલીસે બળાત્કારના ગુનામાં કાકાની ધરપકડ કરી વધુ કાર્યવાહી હાથ ધરી છે.

આ પણ વાંચોઃ સિડનીનો સૌથી મોટો રેપિસ્ટ બાલેશ, કોરિયન મહિલાઓ સાથે કર્યું દુષ્કર્મ, જાણો સમગ્ર મામલો