અમદાવાદની મ્યુનિસિપલ કોર્પોરેશન સંચાલિત એલજી મેડિકલ હોસ્પિટલની એલજી મેડિકલ કોલેજનું નામ બદલવામાં આવ્યુ છે. જે નામ બદલીને હવે નરેન્દ્ર મોદી મેડિકલ કોલેજ આપવામાં આવ્યુ છે. ત્યારે કોલેજના નામને લઈને નેશનલ મેડિકલ કમિશનના મેડિકલ એસેસમેન્ટ એન્ડ રેટિંગ બોર્ડ દ્વારા મંજૂર આપવામાં આવતા હવે અમદાવાદની એલજી મેડિકલ કોલેજ હવે નરેન્દ્ર મોદી મેડિકલ કોલેજ તરીકે ઓળખાશે.
આ પણ વાંચો: ઝૂલતો પુલ દુર્ઘટના પાછળ મોરબી નગરપાલિકા જવાબદાર: SITનો રિપોર્ટ આવ્યો સામે
એલજી મેડિકલ કોલેજનું નામ બદલવામાં આવ્યુ
મેડિકલ કોલેજના નામને લઈને થોડા મહિના અગાઉ એલજી હોસ્પિટલમાં આવેલ અમદાવાદની મેડિકલ એજ્યુકેશન ટ્રસ્ટ કોલેજનું નામ બદલીને નરેન્દ્ર મોદી મેડિકલ કોલેજ રાખવા પર અમદાવાદ મહાનગર પાલિકાએ ઠરાવ કર્યો હતો. જે ઠરાવ માન્ય રાખી નેશનલ મેડિકલ કમિશનના મેડિકલ એસેસમેન્ટ એન્ડ રેટિંગ બોર્ડે મંજૂર રાખ્યો હતો. જે બાદ હવે એલજી મેડિકલ કોલેજ તેના નવા નામકરણ નરેન્દ્ર મોદી મેડિકલ કોલેજના નામથી ઓળખાશે.
