અમદાવાદ : મલબેરી હાઈટ્સમાં જન્માષ્ટમીના તહેવારની ભવ્ય ઉજવણી

જન્માષ્ટમીની ઉજવણી અમદાવાદની શીલજમાં આવેલી મલબેરી હાઈટ્સમાં રંગેચંગે થઈ હતી. જેમાં સોસયટીના સભ્યો દ્વારા ઉત્સાહભેર ભાગ લેવામાં આવ્યો હતો. ભગવાન કૃષ્ણની ભક્તિમાં નાના મોટા સૌ કોઈ જોડાયા હતા અને મધ્યરાત્રિના 12 વાગ્યે કૃષ્ણ જન્મની ઉજવણી કરી હતી.

મલબેરી  હાઈટ્સના બાળકોએ પણ કૃષ્ણ જન્મોત્સવમાં ઉમંગભેર ભાગ લીધો હતો અને સાથે જ કૃષ્ણ જન્મનો મહિમા બાળકોએ સમજવાની કોશિશ કરી હતી. કાર્યક્રમમાં સોસાયટીના પ્રમુખ ભરતભાઈએ તમામ પરિવારજનો માટે કૃષ્ણજન્મના ઉત્સવની ઉજવણીની વ્યવસ્થા કરી હતી. જેમાં સોસાયટીના 200 થી વધુ લોકોએ કાર્યક્રમમાં ભાગ લીધો હતો.

સાથે જ સોસયટીના કેમ્પસને પણ કૃષ્ણમય બનાવવામાં આવ્યું હતું. જાણે કૃષ્ણનું આગમન જ થવાનું હોય તેવી રીતે જન્માષ્ટમીની ઉજવણી મલબેરી હાઈટ્સના સભ્યો દ્વારા કરવામાં આવી હતી.

આ પણ વાંચો : રાજસ્થાનના આબુરોડમાં રંગેચંગે ઉજવાયું જન્માષ્ટમી પર્વ