- સાંધા અને પ્રત્યારોપણની 3D પ્રિન્ટ કેન્સરના દર્દીઓ માટે આશીર્વાદ સમાન
- ટેક્નોલોજી કેન્સરના દર્દીઓ માટે શ્રેષ્ઠ પરિણામો તરફ દોરી જાય છે
- GCRI ખાતે ઓર્થોપેડિક ઓન્કોસર્જરી પર આયોજિત કોન્ફરન્સનું આજે સમાપન
અમદાવાદ સિવિલ મેડિસિટી કેમ્પસ સ્થિત ગુજરાત કેન્સર એન્ડ રિસર્ચ ઇન્સ્ટિટયૂટના સર્જનોએ વર્લ્ડ રેકોર્ડ બનાવ્યો છે. ડો. અભિજિત અશોક સાલુંકે, ડો. શશાંક જે. પંડયા અને ડો. વિકાસ વારિકૂએ 3D પ્રિન્ટિંગ ટેક્નોલોજીનો ઉપયોગ કરીને ખભાના હાડકાના કેન્સરનું સૌથી મોટું મૉડલ બનાવ્યું છે.
આ પણ વાંચો: છેલ્લા 24 કલાકમાં ગુજરાતના 111 તાલુકામાં વરસાદ, જાણો ક્યા કેટલો ખાબક્યો મેઘો
સાંધા અને પ્રત્યારોપણની 3D પ્રિન્ટ કેન્સરના દર્દીઓ માટે આશીર્વાદ સમાન
મોડેલ 3D પ્રિન્ટેડ હ્યુમરસ હાડકા અને હાડકાના કેન્સર સ્કેપુલા મોડેલનું પ્રતિનિધિત્વ કરે છે. આ મોડલમાં સાંધા અને પ્રત્યારોપણની 3D પ્રિન્ટનો સમાવેશ થાય છે જે કેન્સરના દર્દીઓને શ્રેષ્ઠ પરિણામો મળશે. આ અંગે ડો. અભિજિત સાલુંકેએ જણાવ્યું હતું કે, આ મોડેલ FDM ટેક્નોલોજીનો ઉપયોગ કરીને બહુવિધ ટુકડાઓમાં બનાવાયું હતું અને તેની ઊંચાઈ 412.62 મીમી અને વજન 1.3 કિલો છે. આ વર્લ્ડ રેકોર્ડ WR-IN-2023-D1820 નંબર દ્વારા OMG બુક ઓફ્ રેકોર્ડ્સમાં પ્રસિદ્ધ થયો છે અને 2023ની આવૃત્તિમાં રેકોર્ડ નોંધાયો છે. ડોકટરોએ તા.24-25 જૂનના રોજ ઓર્થોપેડિક ઓન્કોસર્જરી પર આંતરરાષ્ટ્રીય કોન્ફ્રન્સનું આયોજન કર્યું છે, જેમાં મલેશિયાના ડો. વિવેક અજીત સિંઘ, ફિલિપાઇન્સના ડો. ઈસાગાની ગેરીન, નેપાળના ડો. જેનીથ સિંઘ અને નેપાળના ડો. ઋષિ રામ પૌડેલ ફેકલ્ટીઓ ઉપસ્થિત રહેશે.
કેન્સરના દર્દીઓ માટે શ્રેષ્ઠ પરિણામો તરફ દોરી જાય છે
આ શૈક્ષણિક કાર્યક્રમમાં દેશભરના કેન્સર સર્જનો, ઓર્થોપેડિક સર્જનો, મેડિકલ ઓન્કોલોજિસ્ટ્સ, રેડિયેશન ઓન્કોલોજિસ્ટ્સ હાજરી આપશે. GCRI તાજેતરની તકનીકનો ઉપયોગ કરી રહ્યું છે જેમાં 3D પ્રિન્ટેડ સાંધા અને પ્રત્યારોપણનો સમાવેશ થાય છે જે કેન્સરના દર્દીઓ માટે શ્રેષ્ઠ પરિણામો તરફ દોરી જાય છે. GCRIના ડાયરેક્ટર ડો.શશાંક પંડયાએ કહ્યું કે, સરકારી કેન્સર હોસ્પિટલમાં અતિ આધુનિક ગેજેટ્સથી દર્દીઓની અમે સંભાળ લઈએ છીએ.
