અમદાવાદ : બોપલમાં 22 માળની ઇસ્કોન પ્લેટિનમમાં આગ, જૂઓ ઘટનાનો વીડિયો
અમદાવાદ, 16 નવેમ્બર : અમદાવાદના બોપલ વિસ્તારમાં આવેલી એક 22 માળની બિલ્ડીંગમાં આગની ઘટના સામે આવી છે. ગત મોડી રાત્રે બનેલા આ બનાવમાં એક મહિલાનું મૃત્યુ થયું હતું જ્યારે કે 23 લોકોને ઈજા પહોંચી હોવાનું જાણવા મળી રહ્યું છે. આ તમામ ઇજાગ્રસ્તોને સારવાર માટે હોસ્પિટલમાં ખસેડવામાં આવ્યા છે.
ફાયર વિભાગની ટીમે રેસ્ક્યુ કર્યું
મળતી માહિતી મુજબ, બોપલ વિસ્તારમાં આવેલી ઈસ્કોન પ્લેટિનમ નામની 22 માળની બિલ્ડિંગમાં ગત રાત્રે 7 માળે કોઈ કારણોસર આગ લાગવાની ઘટના બની હતી. જોત જોતામાં આ આગ 22માં માળ સુધી ફેલાઈ હતી. બનાવની જાણ થતાં ફાયર વિભાગનો કાફલો મોટી સંખ્યામાં ઘટનાસ્થળે દોડી ગયો હતો અને રેસ્ક્યુ શરૂ કર્યું હતું.
View this post on Instagram
શોર્ટ સર્કિટથી આગ લાગી હોવાનું અનુમાન
દરમિયાન સ્થાનિક લોકો અને ફાયર વિભાગ પાસેથી મળેલી માહિતી મુજબ ઈસ્કોન પ્લેટિનમ નામની 22 માળની બિલ્ડિંગમાં મોડી સાંજે શોર્ટ સર્કિટથી આગ લાગી હતી. જેના પગલે ઘટનાસ્થળે ફાયર બ્રિગેડની 12 ગાડીઓએ આગ પર કાબૂ મેળવ્યો હતો. આ બિલ્ડીંગમાં લાગેલી આગમાં એક મહિલાનું મોત થયુ છે. જેનું નામ મીનાબેન શાહ હોવાનું જાણવા મળી રહ્યું છે. જ્યારે કે બિલ્ડીંગમાં રહેતા 23 સ્થાનિકોને ઇજા પહોંચતા હોસ્પિટલમાં દાખલ કરાયા હતા. જે પૈકી 3 વેન્ટીલેટર પર છે અને 6 ને ICU આપવામાં આવ્યું છે.
આ પણ વાંચો :- ઈન્દોરથી સગીર પુત્રીને વેચી, ગુજરાતમાં થયું દુષ્કર્મ, માતા-પિતા સહિત 6ની ધરપકડ
