અમદાવાદના વેપારીને મુંબઈની બાર ડાન્સર સાથે થયેલો પ્રેમ 73 લાખમાં પડ્યો, જાણો વિગત

અમદાવાદ, તા. 20 માર્ચ, 2025: અમદાવાદના એક સિરામિક રો મટિરિયલના વેપારીએ મુંબઈની એક બાર ડાન્સર સામે સાબરમતી પોલીસ સ્ટેશનમાં બ્લેકમેલ, ધમકી અને જબરદસ્તીથી લગ્નની ફરિયાદ નોંધાવી હતી. ફરિયાદ મુજબ, બાર ડાન્સરે બિઝનેસમેન સાથે પહેલા મિત્રતા કરી, પછી પ્રેમનું નાટક કર્યું અને બાદમાં આત્મહત્યાની ધમકી આપીને બ્લેકમેલ કરીને રૂપિયા 73 લાખ પડાવ્યા હતા. એટલું જ નહીં વેપારીનો તેની સાથેનો ફોટો સોશિયલ મીડિયામાં વાયરલ કરીને બદનામ કર્યો હતો. તેમજ જાનથી મારવાની ધમકી આપી હતી.

શું છે મામલો

અમદાવાદમાં રહેતા 40 વર્ષીય ઉદ્યોગપતિ પોતાના વ્યવસાય માટે દેશના વિવિધ શહેરોમાં પ્રવાસ કરે છે. મુંબઈ પણ તેમનું નિયમિત સ્થળ હતું, જ્યાં તેઓ તેમના મિત્રની હોટેલમાં રોકાતા હતા. 16 સપ્ટેમ્બર, 2022 ના રોજ, તે તેના મિત્ર સાથે મુંબઈના બેવોચ બારમાં ગયો, જ્યાં તેની મુલાકાત એક બાર ડાન્સર સાથે થઈ હતી. બંનેએ નંબરોની આપ-લે કરી અને ફોન અને વોટ્સએપ પર ચેટિંગ શરૂ કરી.

થોડા સમય પછી, જ્યારે ઉદ્યોગપતિ ફરીથી મુંબઈ ગયો અને તે જ હોટેલમાં રોકાયો, ત્યારે બાર ડાન્સર તેના કેટલાક મિત્રો સાથે તેને મળવા આવી. તે રાત્રે બાર ડાન્સરે હોટેલમાં ઉદ્યોગપતિ સાથે સમય વિતાવ્યો અને તેમની વચ્ચે સંમતિથી શારીરિક સંબંધો બંધાયા. આ દરમિયાન બાર ડાન્સરે ઘણા ફોટોગ્રાફ્સ પણ લીધા.જેના આધારે તે વેપારીને પોલીસ કેસમાં ફસાવી દેવાની અને આત્મહત્યા કરવાની ધમકી આપતી હતી.

બાર ડાન્સરના ત્રાસથી કંટાળી વેપારીએ નંબર બ્લોક કરી દીધો હતો. જેથી તેણે હાથની નસ કાપી રહી હોવાનો વીડિયો મોકલ્યો હતો. જે બાદ વેપારીએ ફોન કરતાં બાર ડાન્સરે તેને મળવા મુંબઈ બોલાવ્યો હતો. જ્યાં તેણે કહ્યું 2006માં તેના લગ્ન થયા હતા. સંતાનમાં તેને 17 વર્ષનો પુત્ર અને 15 વર્ષની પુત્રી છે. 12 વર્ષ પહેલા છૂટાછેડા થયા હતા. જેથી વેપારીએ તેને પૈસાની મદદ કરવાની વાત કરતાં તેણે લગ્નની જીદ કરી હતી. વેપારીએ આ સમયે તેને 10 લાખ રૂપિયા હતા. ત્યાર બાદ બાર ડાન્સરે વિવિધ રીતે મળીને બેંકમાં 43 લાખ અને રોકડા 30 મળી કુલ 73 લાખ પડાવ્યા હતા. તેમ છતાં વેપારી પાસેથી પૈસાની માગણી શરૂ રહેતા વેપારીએ પૈસા આપવાની ના પાડતાં આત્મહત્યાની ધમકી આપી હતી.

વેપારીએ બાર ડાન્સરની માંગ પૂરી કરવાની ના પાડતાં તેણે વેપારીના નામથી એક ઈન્સ્ટાગ્રામ આઈડી બનાવ્યું અને તેની સાથે પાડેલા ફોટો વાયરલ કર્યા હતા. ઉપરાંત વેપારીના પરિવારજો અને મિત્રોને ફોલો રિકવેસ્ટ મોકલીને બદનામ કરવાનું શરૂ કર્યું હતું. તેનાથી વેપારીની સામાજિક પ્રતિષ્ઠા ખરડાઈ હતી. બાર ડાન્સરથી કંટાળીને વેપારીએ તેની સાથે વાત કર તો તેણે તેની સાથે જ રહેવું પડશે તેમ કહ્યું હતું. 6 ફેબ્રુઆરી 2025ના રોજ અમદાવાદના એક કેફેમાં વેપારીના પરિવાર, મિત્રો અને બાર ડાન્સર વચ્ચે મુલાકાત થઈ હતી. આ દરમિયાન તેણે મોટી રકમ માંગી હતી અને માંગ પૂરી ન થતાં ગુસ્સામાં આવીને ખુલ્લેઆમ ધમકી આપી હતી. તેણે કહ્યું, પૈસા માટે જ મેં તારી સાથે લગ્નનું નાટક કર્યું હતું. મારા કહ્યા મુજબ મને પૈસા નહીં આપ તો તારું જીવવાનું મુશ્કેલ કરી દઈશ. તને અને તારા પરિવારને જાનથી મારી નાખીશ.

બાર ડાન્સરને વેપારીએ અમદાવાદના પોશ વિસ્તારમાં ફ્લેટ ભાડે લઈ આપ્યો હતો. જ્યાં તે તેના બંને સંતાનો સાથે રહેવા આવી ગઈ હતી. જો વેપારી મળવા ન આવે કે થોડા દિવસ બહાર જાય તો દવા પીને કે નસો કાપી આપઘાત કરી લેવાની ધમકી આપી હતી. બાર ડાન્સરથી કંટાળીને વેપારીએ પોલીસ ફરિયાદ નોંધાવી હતી.

આ પણ વાંચોઃ સક્ષમ મહિલાઓએ ભરણપોષણની માગણી ન કરવી જોઇએઃ જાણો કઈ હાઈકોર્ટે ચુકાદો આપ્યો?