બિહારમાં ‘અગ્નિપથ’ સામે આક્રોશની આગ, લખીસરાયમાં ટ્રેનમાં આગ, એકનું મોત
સેનામાં ભરતી પ્રક્રિયામાં થયેલા ફેરફારોને લઈને સમગ્ર દેશમાં આક્રોશ છે. અગ્નિપથ યોજનાને લઈને દેશના અલગ-અલગ ભાગોમાં વિરોધીઓ પોતાનો વિરોધ વ્યક્ત કરી રહ્યા છે. અનેક જગ્યાએ આગચંપી પણ કરવામાં આવી છે. આ દરમિયાન, બિહારના લખીસરાયમાં વિરોધીઓએ નવી દિલ્હીથી ભાગલપુર જતી વિક્રમશિલા એક્સપ્રેસ ટ્રેનને આગ ચાંપી દીધી હતી. આગને કારણે આ ટ્રેનની 12 બોગીને નુકસાન થયું છે. જો કે, આ દરમિયાન સળગતી ટ્રેનમાં મુસાફરી કરી રહેલા એક વ્યક્તિનું મોત થયું હતું.
Bihar: Agitating against #AgnipathRecruitmentScheme, protesters set a train ablaze at Luckeesarai Junction.
"They were stopping me from shooting a video & even snatched away my phone. 4-5 compartments affected. Passengers alighted & managed to proceed on their own," Police say. pic.twitter.com/bcxUchBpXy
— ANI (@ANI) June 17, 2022
લખીસરાય ડીએમએ જણાવ્યું કે મુસાફર બીમાર હતો અને ટ્રેનમાં મુસાફરી કરી રહ્યો હતો. તેને લખીસરાયની સદર હોસ્પિટલમાં લઈ જવામાં આવ્યો હતો, પરંતુ તેને બચાવી શકાયો નહોતો. આગની ઘટનાની માહિતી મળતાં જ આરપીએફ અને સ્થાનિક પોલીસ ઘટનાસ્થળે પહોંચી ગઈ હતી અને પરિસ્થિતિને કાબૂમાં લેવાના પ્રયાસો કરવામાં આવી રહ્યા છે.
Protests continue in Bihar against Centre's Agnipath scheme
Read @ANI Story | https://t.co/9H6gfBCdkh#AgnipathRecruitmentScheme #Agnipath #Agnipath #AgnipathProtests pic.twitter.com/yPN6E7yytg
— ANI Digital (@ani_digital) June 17, 2022
રેલવે મંત્રીએ અપીલ કરી
વિરોધ પ્રદર્શનો વચ્ચે કેન્દ્રીય રેલ મંત્રી અશ્વિની વૈષ્ણવે પણ પ્રદર્શનકારીઓને અપીલ કરી છે. કેન્દ્રીય રેલ્વે મંત્રીએ કહ્યું કે હું દરેકને વિનંતી કરું છું કે રેલ્વે તમારી અને દેશની સંપત્તિ છે. કોઈપણ રીતે હિંસક પ્રદર્શન ન કરો અને રેલ્વે મિલકત તમારી સેવા માટે છે, તેથી તેને જરાય નુકસાન ન કરો.
#WATCH| #Agnipath:After gatherings at Ballia RS& stadium, sr police officers&DM talked to &dispersed students. After which,some students attempted to break window pane&set fire to an empty isolated train. Attempts of dousing underway;patrolling at diff areas underway:SP RK Nayyar pic.twitter.com/37t62q8UfV
— ANI UP/Uttarakhand (@ANINewsUP) June 17, 2022
અગ્નિપથ યોજનાનો વિરોધ, ઘણી ટ્રેનો રદ
તમને જણાવી દઈએ કે સરકારના નિર્ણયના વિરોધમાં ત્રણ દિવસથી ચાલી રહેલા વિરોધ વચ્ચે આજે સવારે આંદોલનકારીઓએ બિહારના સમસ્તીપુર અને લખીસરાય રેલવે સ્ટેશન પર પણ તોડફોડ કરી હતી અને ટ્રેનને આગ ચાંપી દીધી હતી. સાથે જ રેલવે ટ્રેક પણ બ્લોક કરી દેવામાં આવ્યો હતો. તોડફોડના કારણે ઘણી રેલ્વે ટ્રેનો પ્રભાવિત થઈ છે. આ સિવાય દેશના અન્ય ભાગોમાં પણ દેખાવો ચાલી રહ્યા છે. હંગામાને કારણે કુલ 200 ટ્રેન સેવાઓ પણ પ્રભાવિત થઈ છે. બીજી તરફ, પ્રદર્શનને ધ્યાનમાં રાખીને, રેલ્વેએ દેશભરમાં 35 ટ્રેન સેવાઓ રદ કરી છે.
