ટ્રમ્પની જીત બાદ સૌપ્રથમ PM મોદીએ પાઠવ્યા અભિનંદન, જાણો શું કહ્યું?
નવી દિલ્હી, 6 નવેમ્બર : ડોનાલ્ડ ટ્રમ્પને ફરી એકવાર અમેરિકાના પ્રમુખ બનવા પર વડાપ્રધાન નરેન્દ્ર મોદી અને એલોન મસ્કે અભિનંદન પાઠવ્યા છે. પીએમએ કહ્યું કે હું મારા મિત્ર ડોનાલ્ડ ટ્રમ્પને ચૂંટણી જીતવા બદલ હૃદયપૂર્વક અભિનંદન આપું છું. ઉલ્લેખનીય છે કે, અમેરિકી પ્રમુખની ચૂંટણીમાં ડોનાલ્ડ ટ્રમ્પનો જાદુ ફરી એકવાર કામ કરી ગયો છે. તેમણે આ ચૂંટણી જીતીને કમલા હેરિસને હરાવ્યા છે. આવી સ્થિતિમાં, સ્પષ્ટ છે કે હવે અમેરિકાની કમાન ડોનાલ્ડ ટ્રમ્પના હાથમાં રહેશે.
પીએમએ X ઉપર પોસ્ટમાં આ વાત કહી
પીએમ મોદીએ સોશિયલ મીડિયા પ્લેટફોર્મ X પર એક પોસ્ટમાં લખ્યું, ‘મારા મિત્ર ડોનાલ્ડ ટ્રમ્પને તમારી ઐતિહાસિક ચૂંટણી જીત પર હાર્દિક અભિનંદન. તમે તમારા પાછલા કાર્યકાળની સફળતાઓને આગળ વધારશો. હું ભારત-યુએસ વ્યાપક વૈશ્વિક અને વ્યૂહાત્મક ભાગીદારીને વધુ મજબૂત કરવા અને અમારા સહકારને નવીકરણ કરવા આતુર છું. ચાલો આપણે આપણા લોકોની સુખાકારી માટે અને વૈશ્વિક શાંતિ, સ્થિરતા અને સમૃદ્ધિને પ્રોત્સાહન આપવા માટે સાથે મળીને કામ કરીએ.
Heartiest congratulations my friend @realDonaldTrump on your historic election victory. As you build on the successes of your previous term, I look forward to renewing our collaboration to further strengthen the India-US Comprehensive Global and Strategic Partnership. Together,… pic.twitter.com/u5hKPeJ3SY
— Narendra Modi (@narendramodi) November 6, 2024
એમાનુલ મેક્રોએ પણ પોસ્ટ કરી અભિનંદન આપ્યા
“Congratulations, President @realDonaldTrump . Ready to work together as we did for four years. With your convictions and mine. With respect and ambition. For more peace and prosperity,” posts French President Emmanuel Macron (@EmmanuelMacron). pic.twitter.com/bCSZp2Arh9
— Press Trust of India (@PTI_News) November 6, 2024
કોને કેટલા મત મળ્યા?
ઉલ્લેખનીય છે કે, અમેરિકામાં પ્રમુખની ચૂંટણીના અત્યાર સુધીના પરિણામો અનુસાર કમલા હેરિસને 224 ઈલેક્ટોરલ વોટ મળ્યા છે. બીજી તરફ ડોનાલ્ડ ટ્રમ્પે 267 ઈલેક્ટોરલ વોટ જીત્યા છે અને અન્ય ઘણા રાજ્યોમાં કમલા પર આગળ ચાલી રહ્યા છે. તેથી હવે એ વાતની પુષ્ટિ થઈ ગઈ છે કે અમેરિકાના નવા રાષ્ટ્રપતિ ડોનાલ્ડ ટ્રમ્પ હશે.
આ પણ વાંચો :- બુલડોઝર કાર્યવાહી અંગે યુપી સરકારથી સુપ્રીમ કોર્ટ નારાજ, આપ્યો આ આદેશ
