લોકસભામાં સુરક્ષા ચૂક બાદ હવે સંસદ ભવનની સલામતી CISF સંભાળશે
- કેન્દ્રીય ગૃહ મંત્રાલયે હવે સંસદ ભવનની સુરક્ષા CISFને સોંપવાનો આપ્યો નિર્દેશ
- CISFની ટીમ દ્વારા સંસદ ભવનના સંકુલનો કરવામાં આવશે સર્વે
નવી દિલ્હી, 21 ડિસેમ્બર : તારીખ 13 ડિસેમ્બરે થયેલી સંસદની સુરક્ષામાં ભંગની ઘટના બાદ કેન્દ્ર સરકારે હવે સમગ્ર સંકુલની સુરક્ષાની જવાબદારી સેન્ટ્રલ ઈન્ડસ્ટ્રીયલ સિક્યુરિટી ફોર્સ (CISF)ને સોંપવાનો નિર્ણય કર્યો છે. મળતી માહિતી અનુસાર, કેન્દ્રીય ગૃહ મંત્રાલયે બુધવારે સંસદ ભવન સંકુલના સર્વેક્ષણનો નિર્દેશ આપ્યો હતો જેથી “વ્યાપક ધોરણે CISF સુરક્ષા અને ફાયર બ્રિગેડની નિયમિત તૈનાતી” કરશે. હવે CISFની ટીમ દ્વારા સંસદ ભવનના સંકુલનો સર્વે કરવામાં આવશે.
CISF to be deployed for ‘comprehensive’ security of Parliament
Read @ANI Story | https://t.co/IKlDBfTaF2#CISF #Parliament #ParliamentSecurityBreach pic.twitter.com/Jt9SU9X7Jw
— ANI Digital (@ani_digital) December 21, 2023
સંસદ પર 2001ના આતંકવાદી હુમલાની વર્ષગાંઠના દિવસે 13 ડિસેમ્બરના રોજ સુરક્ષાની મોટી ચૂક ઘટનાની વાત કરી તો, બે વ્યક્તિ પ્રેક્ષક ગેલેરીમાંથી લોકસભાની ચેમ્બરમાં કૂદી પડ્યા અને ‘કેન’માંથી પીળો ધુમાડો છોડીને સૂત્રોચ્ચાર કર્યા. આરોપીઓને બાદમાં સાંસદો દ્વારા પકડી પાડવામાં આવ્યા હતા. તે જ સમયે, અન્ય બે લોકોએ સંસદ સંકુલની બહાર સૂત્રોચ્ચાર કરતી વખતે ‘કેન’માંથી રંગીન ધુમાડો છોડ્યો. CRPFના મહાનિર્દેશક અનીશ દયાલ સિંહની આગેવાની હેઠળની એક સમિતિ સંસદ સંકુલની સુરક્ષાના સમગ્ર મુદ્દાઓ પર તપાસ કરી રહી છે અને સુધારા માટે કેન્દ્રીય ગૃહ મંત્રાલયને ભલામણો કરશે.
આ સપ્તાહના અંતમાં સર્વેક્ષણ
કેન્દ્ર સરકારના મંત્રાલયોની રક્ષા કરતા CISFના ગવર્મેન્ટ બિલ્ડિંગ સિક્યુરિટી (GBS) યુનિટના નિષ્ણાતો સાથે CISF ફાયર અને રેસ્ક્યૂ અધિકારીઓ અને વર્તમાન સંસદ સુરક્ષા ટીમના અધિકારીઓ આ સપ્તાહના અંતમાં સર્વેક્ષણ શરૂ કરશે.
સંસદ સંકુલને ભારે સુરક્ષા કવચ હેઠળ લાવવામાં આવશે
મળતી માહિતી મુજબ, સંસદના નવા અને જૂના બંને સંકુલો અને તેમની સાથે સંકળાયેલી ઇમારતોને CISFના વ્યાપક સુરક્ષા કવચ હેઠળ આવરી લેવામાં આવશે, જેમાં સંસદ સુરક્ષા સેવા (PSS), દિલ્હી પોલીસ અને કેન્દ્રીય રિઝર્વ પોલીસ ફોર્સના પાર્લામેન્ટ ડ્યુટી ગ્રુપ (PDG)ના હાલના ઘટકોનો પણ સમાવેશ થશે.
નવા અને જૂના બંને સંસદ સંકુલ અને તેની સાથે સંકળાયેલી ઇમારતોને CISFના વ્યાપક સુરક્ષા કવચ હેઠળ આવરી લેવામાં આવશે, જેમાં સંસદ સુરક્ષા સેવા (PSS), દિલ્હી પોલીસ અને કેન્દ્રીય રિઝર્વ પોલીસના સંસદ ફરજ જૂથ (PDG)નો પણ સમાવેશ થશે.
એરપોર્ટ અને દિલ્હી મેટ્રોની સુરક્ષા સંભાળે છે CISF
CISFએ સેન્ટ્રલ આર્મ્ડ પોલીસ ફોર્સ (CAPF) છે જે હાલમાં ન્યુક્લિયર અને એરોસ્પેસ ડોમેન, એરપોર્ટ અને દિલ્હી મેટ્રો તેમજ રાષ્ટ્રીય રાજધાનીમાં કેન્દ્રીય મંત્રાલયની કેટલીક ઇમારતો હેઠળની સંસ્થાઓનું રક્ષણ કરે છે.
આ પણ જુઓ :સંસદની સુરક્ષા ભંગના કેસમાં કર્ણાટકના પૂર્વ પોલીસ અધિકારીના પુત્રની અટકાયત
