તુર્કીમાં ભૂકંપ બાદ વધુ એક આફત, અનેક શહેરો પાણી-પાણી, 5 લોકોના મોત
તુર્કીમાં ભૂકંપના કારણે તબાહીનો ભોગ બનેલા હવે વધુ એક મોટી મુસીબત આવી છે. અહીં દક્ષિણના પ્રાંતોમાં પાણીનું સ્તર ઘણું વધી ગયું છે અને ઘણા શહેરો પૂરની ઝપેટમાં આવી ગયા છે. પૂરના કારણે લોકોના ઘરો પાણીમાં ડૂબી ગયા છે. અત્યાર સુધીમાં 5 લોકોએ જીવ ગુમાવ્યા છે, જ્યારે અનેક નાગરિકો ગુમ હોવાનું કહેવાય છે.
Several injured & killed after massive floods hit #Sanliurfa, #Turkey
Same place that was hit by strong #earthquake in 6 Feb.#sanliurfasel #Tsunami #earthquake #earthquakeinturkey pic.twitter.com/HBjqDVxXGJ
— ???????????????? (@sidd_sharma01) March 16, 2023
તુર્કીના ગૃહમંત્રી સુલેમાન સોયલુએ જણાવ્યું કે સનલીઉર્ફા અને અદિયામાન પ્રાંતમાં પૂર આવ્યું છે. આ બે પ્રાંત એવા 11 પ્રાંતોમાં સામેલ છે જે ભૂકંપથી ખરાબ રીતે પ્રભાવિત થયા હતા. સોયલુએ કહ્યું કે દુર્ભાગ્યવશ પૂરને કારણે ઘણા લોકોના મોત થયા છે. જેમાંથી અમને એકનો મૃતદેહ મળી આવ્યો છે, જ્યારે અન્ય ઘણાની શોધ ચાલુ છે. તુર્કીના દક્ષિણી પ્રાંતમાં ગવર્નર સાલીહ અહાને જણાવ્યું કે અહીં ઓછામાં ઓછા ચાર લોકોના મોત થયા છે અને સનલિઉર્ફા પ્રાંતમાં બે અગ્નિશામક પણ લાપતા છે.
This is how they saved the mother and her baby who were caught in the flood waters..
After the earthquake, Turkey was hit by a flood this time..????????????????#selfelaketi #floodDisaster #earthquake #inundaciones #CreditSuisse #洪水 pic.twitter.com/TPpuXCSQW4
— Mohd Ahtisham Ahsan (@MohdAhtishamAh1) March 16, 2023
ભૂકંપમાં 55,700 થી વધુ લોકો માર્યા ગયા
અગાઉ 6 ફેબ્રુઆરીએ તુર્કી અને તેના પાડોશી દેશ સીરિયામાં 7.8ની તીવ્રતાનો ભૂકંપ આવ્યો હતો, જેણે બંને દેશોમાં ભારે તબાહી મચાવી હતી. કુલ મળીને, 55,700 થી વધુ લોકો માર્યા ગયા અને 80 હજારથી વધુ લોકો ઘાયલ થયા. આ દુર્ઘટના એટલી ભયાનક હતી કે હજારો ઈમારતો પત્તાની જેમ નષ્ટ થઈ ગઈ હતી. લાખો લોકો બેઘર બન્યા. આ સમયે હજારો લોકો ટેન્ટ અને કન્ટેનરમાં રહે છે.
A person who was swept away by the flood in the city of #Şanlıurfa, Turkey, has been
rescued in Turkey.#Turkey #sanliurfasel #floods #Sanliurfa #Turkey #earthquake #sanliurfasel #Tsunami #Deprem #earthquake pic.twitter.com/kYewNLtria— Mohd Ahtisham Ahsan (@MohdAhtishamAh1) March 16, 2023
લાખો લોકો માટે ખોરાક અને જીવન સંકટ- UN
તુર્કીમાં આવેલા ભૂકંપમાં લગભગ 5,20,000 એપાર્ટમેન્ટ સહિત 1,60,000 ઈમારતો ધરાશાયી થઈ ગઈ હતી. જે બાદ અહીં મોટાપાયે બચાવ કામગીરી શરૂ કરવામાં આવી હતી. ભારત સહિત ઘણા દેશોએ તેમની આપત્તિ-રાહત બચાવ ટીમો અહીં મોકલી છે. ભારતે વિલંબ કર્યા વિના ઓપરેશન દોસ્ત શરૂ કર્યું હતું, જેમાં ભૂકંપ પીડિતોને બચાવવા ઉપરાંત તેમના ભોજન, કપડાં અને રહેવાની વ્યવસ્થા કરવામાં આવી હતી. આ દુર્ઘટના બાદ UNએ કહ્યું કે હવે તુર્કી અને સીરિયામાં લાખો લોકોને ખોરાક અને આશ્રય માટે સંઘર્ષ કરવો પડશે.
