સુશાંત સિંહ રાજપૂતના મૃત્યુ બાદ અઢી વર્ષથી ખાલી પડેલું મકાન કોઈ ભાડે લેવા તૈયાર નહીં
અભિનેતા સુશાંત સિંહ રાજપૂતના મૃત્યુને લગભગ અઢી વર્ષ થઈ ગયા છે. 14 જૂન 2020ના રોજ સુશાંત મુંબઈમાં તેના ફ્લેટમાં મૃત હાલતમાં મળી આવ્યો હતો. અભિનેતાના નિધનના સમાચારથી સમગ્ર બોલિવૂડ જગતમાં શોકનું મોજું ફરી વળ્યું હતું અને ચાહકોને આઘાત લાગ્યો હતો. હવે સુશાંતને લઈને એક સમાચાર આવી રહ્યા છે. અહેવાલો અનુસાર જે ફ્લેટમાં અભિનેતા મૃત હાલતમાં મળી આવ્યો હતો તે ફ્લેટ અઢી વર્ષથી ખાલી પડેલો છે.હજુ સુધી તેને લેવા માટે કોઈ મળ્યું નથી.
સુશાંત સિંહ રાજપૂતનો ફ્લેટ દર મહિને માત્ર ₹5 લાખના ભાડા પર ઉપલબ્ધ છે
રિયલ એસ્ટેટ બ્રોકર રફીક મર્ચન્ટે સોશ્યિલ મીડિયા પર સમુદ્રની સામે ફ્લેટનો વીડિયો શેર કર્યો છે. તેમણે એમ પણ કહ્યું કે આ ફ્લેટ દર મહિને માત્ર ₹5 લાખના ભાડા પર ઉપલબ્ધ છે. બ્રોકરે એમ પણ કહ્યું કે ફ્લેટનો માલિક એનઆરઆઈ છે અને તે કોઈ બોલિવૂડ એક્ટરને આપવા માંગતો નથી. હવે તે કોર્પોરેટ વ્યક્તિને ભાડુઆત તરીકે રાખવા માંગે છે પરંતુ આ માટે પણ કોઈ તૈયાર નથી.
Sea Facing Duplex 4BHK with a Terrace Mont Blanc
5 lakhs Rent
Carter Road, Bandra West. RAFIQUE MERCHANT 9892232060, 8928364794 pic.twitter.com/YTcjIRiSrw— Rafique Merchant (@RafiqueMerchant) December 9, 2022
ઘરનો માલિક કોઈ ફિલ્મ કલાકારને ઘર ભાડે આપવા માંગતો નથી
આ ફ્લેટનો માલિક એનઆરઆઈ છે અને હવે તે આ ફ્લેટ કોઈ બોલિવૂડ સ્ટારને ભાડે આપવા માંગતો નથી. હાલમાં તે કોર્પોરેટ વ્યક્તિને ઘર ભાડે આપવા તૈયાર છે. જો કે તેની શોધ હજુ પૂરી થઈ નથી. આ વાતનો ખુલાસો ખુદ રફીક મર્ચન્ટે મીડિયા સાથેની વાતચીતમાં કર્યો છે. જણાવી દઈએ કે સુશાંત સિંહ રાજપૂત આ એપાર્ટમેન્ટમાં મૃત હાલતમાં મળી આવ્યો હતો.તેણે એમ પણ કહ્યું કે ખરીદદારો અને ભાડૂતોને અગાઉથી જાણ કરવામાં આવે છે કે સુશાંત સિંહ રાજપૂત આ ફ્લેટમાં રહેતો હતો છે. આ કારણે કેટલાક લોકો જોવા માટે આવે છે પરંતુ ઘણા લોકો આ ડીલ કરવા તૈયાર નથી. ઘરના માલિકનું પણ કહેવું છે કે તે કોઈ ફિલ્મ કલાકારને ઘર ભાડે આપવા માંગતો નથી. તે કોઈપણ કોર્પોરેટ વ્યક્તિને તૈયાર મકાન આપવા તૈયાર છે.
સુશાંત સિંહ રાજપૂત 14મી જૂન 2020ના રોજ તેના ઘરે મૃત હાલતમાં મળી આવ્યો હતો
ઉલ્લેખનીય છે કે, 14 જૂન 2020ના રોજ સુશાંત સિંહ રાજપૂત તેના ઘરે મૃત હાલતમાં મળી આવ્યો હતો. મુંબઈ પોલીસે પ્રાથમિક તપાસમાં આ આત્મહત્યાનો મામલો હોવાનું માની લીધું હતું. રફીક મર્ચન્ટે બોલિવૂડ હંગામાને આપેલા ઈન્ટરવ્યુમાં કહ્યું, ‘લોકો આ ફ્લેટમાં આવતા ડરે છે. જ્યારે લોકોને ખબર પડી કે સુશાંત સિંહ રાજપૂત આ ઘરમાં મૃત હાલતમાં મળી આવ્યો છે. તો તેઓ પણ આવવાથી ડર્યા. સમાચાર જૂના હોવાથી થોડા લોકોએ ફ્લેટની મુલાકાત લીધી છે. જો કે હજુ સુધી કોઈ ડીલ થઈ નથી. રિપોર્ટ્સ અનુસાર સુશાંત સિંહ રાજપૂતે આ ફ્લેટ સાડા ચાર લાખ રૂપિયા પ્રતિ મહિનાના ભાડા પર લીધો હતો. તે આ ફ્લેટ તેની રૂમ-મેટ અને ગર્લફ્રેન્ડ રિયા ચક્રવર્તી સાથે શેર કરતો હતો. રિપોર્ટ્સ અનુસાર લોકડાઉન દરમિયાન રિયા સુશાંત સાથે રહેતી હતી.
આ પણ વાંચો : પાકિસ્તાની વેબ સિરીઝને લઇને ભડક્યાં ભારતીયો, હિન્દુ વિરોધી પ્રચાર કરવાનો લગાવ્યો આરોપ
