બેશરમ રંગના વિવાદ બાદ પઠાણ ફિલ્મનું બીજું ગીત ‘ઝૂમે જો પઠાણ…’ રિલીઝ, શાહરુખે રજૂ કર્યું હતું પોસ્ટર
બોલિવૂડ ન્યૂઝઃ શાહરૂખ ખાનની ફિલ્મ પઠાણનું બીજું ગીત ‘ઝૂમ જો પઠાણ..’ છેલ્લા ઘણા દિવસોથી ચર્ચામાં છે. ફિલ્મનું પહેલું ગીત બેશરમ રંગે ભલે વિવાદ સર્જ્યો હોય, પરંતુ ચાહકો ફિલ્મના બીજા ગીતની આતુરતાથી રાહ જોઈ રહ્યા હતા. શાહરૂખ અને દીપિકા પાદુકોણના ચાહકોની આતુરતા વચ્ચે આખરે ગુરૂવારે ‘ઝૂમે જો પઠાણ…’ ગીત રિલીઝ કરવામાં આવ્યું છે. ગીતમાં દીપિકા અને કિંગ ખાનની કેમેસ્ટ્રી શાનદાર લાગી રહી છે.
કિંગ ખાને શેર કર્યું હતું આ ગીતનું પોસ્ટર
પઠાણના બીજા ગીત ઝૂમે જો પઠાણનું પોસ્ટર રિલીઝ કરતી વખતે શાહરૂખ ખાને ચાહકો માટે એક સુંદર કેપ્શન લખી અને ગીતના રિલીઝ વિશે માહિતી આપી હતી. ઝૂમે જો પઠાણની એક લાઇન શેર કરતાં અભિનેતાએ લખ્યું, “ઝૂમે જો પઠાણ… મેરી જાન… મહેફિલ હી લૂટ જાયે! ધીરજ રાખો. કાલે બરાબર 11 વાગ્યે. વાદા રહા પઠાણ કા.” પઠાણનું નવું ગીત અહીં જુઓ….
ફિલ્મ 25મી જાન્યુઆરીએ રજૂ થશે
પઠાણના દિગ્દર્શક સિદ્ધાર્થ આનંદે તાજેતરમાં જ ઝૂમ જો પઠાણ વિશે માહિતી આપી હતી અને કહ્યું હતું કે ઝૂમે જો પઠાણમાં ફ્યુઝન કવ્વાલી સ્ટાઈલ જોવા મળશે. પિંકવિલા સાથેની વાતચીતમાં સિદ્ધાર્થે કહ્યું, “ઝૂમે જો પઠાણ ફિલ્મના મુખ્ય પઠાણ વિશે છે, જે શાહરૂખ ખાન દ્વારા ભજવવામાં આવ્યું છે. આ ગીત સુપર સ્પાય પઠાણ વિશે વાત કરે છે, જેની ડેશિંગ શૈલી એક લત જેવી છે. તેની એનર્જી, વાઇબ અને આત્મવિશ્વાસ કોઈને પણ ઝૂમવા માટે મજબૂર કરી દેશે.”
શાહરૂખનું 4 વર્ષ પછી ધમાકેદાર કમબેક
શાહરૂખ ખાન છેલ્લે અનુષ્કા શર્મા સાથે ફિલ્મ ઝીરોમાં જોવા મળ્યો હતો, જેનું નિર્દેશન આનંદ એલ રાય દ્વારા કરવામાં આવ્યું હતું. આ ફિલ્મ બોક્સ ઓફિસ પર ફ્લોપ સાબિત થઈ હતી. કિંગ ખાન લગભગ ચાર વર્ષ પછી કમબેક કરી રહ્યો છે અને તેની પ્રથમ ફિલ્મ પઠાણ હશે, જે આવતા મહિને સિનેમાઘરોમાં આવશે.
શાહરૂખ પઠાણને હિટ બનાવવા માટે સખત મહેનત કરી રહ્યો છે. બોડી બનાવવાથી લઈને ફિલ્મના પ્રમોશન સુધી કિંગ ખાન દરેક યુક્તિ અજમાવી રહ્યો છે. પઠાણ યશ રાજ ફિલ્મ્સના બેનર હેઠળ બની રહી છે, જેનું નિર્દેશન સિદ્ધાર્થ આનંદ કરી રહ્યા છે. આ ફિલ્મનું શૂટિંગ વિશ્વભરમાં અનેક સ્થળોએ કરવામાં આવ્યું છે. સ્ટાર કાસ્ટની વાત કરીએ તો શાહરૂખ ખાન અને દીપિકા પાદુકોણ સિવાય ફિલ્મમાં જોન અબ્રાહમ પણ લીડ રોલમાં છે. આ ફિલ્મ 25 જાન્યુઆરીએ વિશ્વભરના સિનેમાઘરોમાં રિલીઝ થશે.
