Adaniને આર્થિક ફટકા બાદ હવે Vedanta Resources પર નજર

છેતરપિંડીના આરોપોને પગલે Adani જૂથના શેર્સમાં ઘટાડો થવાથી ભારતની સૌથી મોટી માઇનિંગ કંપની Vedanta Resourcesના મોટા દેવા પર
ધ્યાન કેન્દ્રિત થયું છે. Vedanta Resourcesનું બજાર મૂલ્ય 13.23 બિલિયન ડોલર છે પણ સાથે-સાથે મોટુ દેવું ચૂકવવાનું પણ છે. જેમાં આગામી જાન્યુઆરીમાં થનારી બોન્ડની ચુકવણીમાં 1 બિલિયન ડોલરનો સમાવેશ થાય છે. મુંબઈ સ્થિત કંપનીએ છેલ્લા 11 મહિનામાં તેનું ચોખ્ખું દેવું 2 બિલિયન ડોલર ઘટાડીને 7.7 બિલિયન ડોલર કરી દીધું છે, પરંતુ તે પૂરતું નથી.

આ મહિનાની શરૂઆતમાં, S&P ગ્લોબલ રેટિંગ્સે જણાવ્યું હતું કે Vedantaની સપ્ટેમ્બર પછી દેવું ચૂકવવાની ક્ષમતા ભંડોળ ઊભુ કરવા અને હિન્દુસ્તાન ઝિંકને
પોતાની દક્ષિણ આફ્રિકાની સૂચિત વેચાણ પર આધારિત હોઈ શકે છે. જો આ સોદા નહીં થાય તો અનિલ અગ્રવાલની માલિકીની પેઢી ગંભીર મુશ્કેલીમાં મુકાઈ જશે.

Vedanta Resourcesની દેવું જવાબદારી

આ વર્ષે જૂન સુધીમાં, Vedanta Resources કંપનીએ ઇન્ટર-કંપની લોનના રૂપમાં 300 મિલિયન ડોલર અને બે બેંકોને 35 કરોડ ડોલરનું વ્યાજ ચૂકવવાનું
બાકી છે. એટલા માટે Vedantaને ઓછામાં ઓછા 50 કરોડ ડોલર એકઠા કરવાની જરૂર છે.

તે આગામી નાણાકીય વર્ષમાં અડધી જરૂરિયાતો પૂરી કરવા માટે આંતરિક ભંડોળ તૈનાત કરવાની યોજના બનાવી રહી છે. S&P ગ્લોબલ રેટિંગ્સના અહેવાલ મુજબ, તે બાકીનાને પુનર્ધિરાણ કરવાની આશા છે.

અહેવાલમાં જણાવાયું છે કે, “અમે અંદાજ લગાવીએ છીએ કે Vedanta તરફથી વધુ ડિવિડન્ડ, મેનેજમેન્ટ ફી સાથે મળીને, એપ્રિલ અને જૂન વચ્ચે પેરેન્ટને જરૂરી 2
બિલિયન ડોલરમાંથી લગભગ 1.5 બિલિયન ડોલરને પહોંચી વળવા માટે વાપરી શકાય છે, જેમાં ઇન્ટર-કંપની લોન અને વ્યાજ ખર્ચનો સમાવેશ થાય છે.

જો Vedanta ત્યાં સુધીમાં ભંડોળ ઊભું કરવામાં નિષ્ફળ જાય તો તેની પાસે માત્ર 500 મિલિયન ડોલર બચશે. તે ડિસેમ્બર ક્વાર્ટરમાં 500 મિલિયન ડોલર અને
જાન્યુઆરી 2024માં 1 બિલિયન ડોલર બોન્ડ ચૂકવવા માટે પૂરતું નથી.

હિન્દુસ્તાન ઝિંકને આંતરરાષ્ટ્રીય ઝિંક સંપત્તિનું વેચાણ

હિન્દુસ્તાન ઝિંકમાં Vedanta Resourcesની દેવાની તકલીફનો સંભવિત ઉકેલ હોઈ શકે છે. અગ્રવાલની કંપની ભારતની સૌથી મોટી લીડ અને ઝિંક ખાણમાં
65%ની માલિકી ધરાવે છે, જેમાં 29.5% હિસ્સો ભારત સરકાર પાસે છે.

Vedanta 18 મહિનામાં લગભગ 3 બિલિયન ડોલર એકઠા કરવા માટે દક્ષિણ આફ્રિકા અને નામિબિયામાં તેની કેટલીક ખાણોને બંધ કરવાનો પ્રયાસ કરી રહી છે,
જેમાં હિન્દુસ્તાન ઝિંક સંભવિત ખરીદદાર છે.

S&P ગ્લોબલ રેટિંગ્સ માને છે કે Vedanta પાસે અન્ય કોઈ વિકલ્પ નથી અને સોદાને જોવામાં નિષ્ફળતા તેના ઋણ રેટિંગમાં ઘટાડો આવશે. જો કે, રોકડની તંગી
ધરાવતા હિન્દુસ્તાન ઝિંક માટે આ એક મોંઘો સોદો હોઈ શકે છે. ભારત સરકાર પણ ચિંતિત છે. 17 ફેબ્રુઆરીના રોજ એક પત્રમાં જણાવ્યું હતું કે “અમે કંપનીને આ
એસેસ્ટ્સના સંપાદન માટે અન્ય કેશલેસ પદ્ધતિઓ વિશે તપાસ કરવાનું આગ્રહ રાખીશું.”

જો હિન્દુસ્તાન ઝિંક ખરીદી સાથે આગળ વધે તો સરકાર કાયદાકીય રસ્તા પર વિચાર કરી રહી છે. જાન્યુઆરીમાં સોદાની જાહેરાત બાદથી, રોકડના ધોવાણની આશંકાથી હિન્દુસ્તાન ઝિંકના શેર લગભગ 15% નીચે પહોંચી ગયા છે, જે એક મહિનામાં સૌથી નીચું સ્તર છે. આ દરમિયાન Vedantaના શેરમાં 5%નો ઘટાડો થયો છે.