ભારતીય ટીમના સ્ટાર યુવા ઓપનર શુભમન ગિલે ન્યૂઝિલેન્ડ સામેની પ્રથમ વન-ડેમા ગતરોજ સચિન તેંડુલકર જેવા મોટા ક્રિક્રેટરોના રેકોર્ડ તોડીને બેવડી સદી ફટકારી હતી. તેની આ ઈનિંગ્સથી ટીમ ઈન્ડિયાએ ત્રણ મેચોની વન-ડે સીરિઝની પહેલી મેચમાં ન્યૂઝિલેન્ડને 12 રનોથી હરાવ્યુ. તે સાથે જ હૈદરાબાદ વન-ડેમાં ગિલને પ્લેયર ઓફ ધ મેચ પણ જાહેર કરાયો.
આ પણ વાંચો : શર્લિન ચોપરા કેસમાં રાખી સાવંતની ધરપકડ, મુંબઈ પોલીસે કરી કાર્યવાહી
ગિલનો જૂનો વીડિયો વાઈરલ
બેવડી સદી ફટકાર્યા બાદ સોશિયલ મીડિયાથી લઈને ખેલ જગતમાં દરેક જગ્યાએ ગિલ જ ગિલનુ નામ ટ્રેંડમાં જોવા મળતું હતું. પરંતુ આ બધા વચ્ચે શુભમ ગિલનો એક એવો વીડિયો પણ વાઈરલ થયો છે, જેમાં ફેન્સ ‘સારા-સારા’ના નારા લગાવતા જોવા મળી રહ્યા છે. જોકે આ વીડિયો શ્રીલંકા સામેની પાછલી સીરિઝનો છે.
View this post on Instagram
ગિલ સામે ફેન્સે ‘સારા-સારા’ની બૂમો પાડી
ગિલનો આ વીડિયો એવા સમયે સામે આવ્યો છે જ્યારે તેણે વન-ડે ક્રિકેટમાં બેવડી સદી ફટકારી છે. ઈન્સ્ટાગ્રામ પર વાઈરલ આ વીડિયોમાં સ્પષ્ટ જોઈ શકાય છે કે શુભમન ગિલ બાઉન્ડ્રી પર ફિલ્ડીંગ કરી રહ્યો છે. જ્યારે સ્ટેન્ડીયમાં બેઠેલા ફેન્સ ‘સારા-સારા’ના નારા લગાવી રહ્યા છે. તેના પર ગિલ કોઈ રિસ્પોન્સ નથી આપતો.
સારા અલી ખાન કે સારા ટેંડુલકર?
હવે ફેન્સ માટે પ્રશ્નએ છે કે આ સારા કોણ છે? બોલિવૂડ એક્ટ્રેસ સારા અલી ખાન કે પછી ફેન્સ સચિન ટેંડુલકરની દીકરી સારા ટેંડુલકરની વાત કરી રહ્યા છે? કારણ કે શુભમન ગિલનું નામ આ બંને સારા સાથે અલગ-અલગ વખતે જોડવામાં આવ્યું હતું. જોકે શુભમ ગિલ ઘણીવાર સારા અલી ખાન સાથે જોવામાં મળ્યો છે.
