સરફિરા બાદ અક્ષય કુમારની વધુ એક ફિલ્મનું પોસ્ટર રીલીઝ, અલગ છે લુક
- તાજેતરમાં જ અક્ષય કુમારની ફિલ્મ ‘ખેલ ખેલ મેં’નું મોશન પોસ્ટર રીલીઝ કરવામાં આવ્યું છે. ફિલ્મમાં તે ગ્રે હેર વાળા લુકમાં દેખાઈ રહ્યો છે
23 જુલાઈ, મુંંબઈઃ અક્ષય કુમાર આ વર્ષની શરૂઆતથી લઈને અત્યાર સુધી બે ફિલ્મો દર્શકો માટે લાવ્યો છે. આ વર્ષે રીલીઝ થયેલી તેની બંને ફિલ્મો પિટાઈ ગઈ હતી. ‘બડે મિયાં છોટે મિયાં’ની નિષ્ફળતા બાદ તાજેતરમાં રીલીઝ થયેલી ‘સરફિરા‘ને પણ બોક્સ ઓફિસ પર નુકસાન સહન કરવું પડ્યું હતું. દમદાર સ્ટોરી હોવા છતાં લોકો આ ફિલ્મ જોવા ન આવ્યા. સતત 9 ફ્લોપ ફિલ્મો આપ્યા બાદ હવે અક્ષય કુમાર વધુ એક નવી ફિલ્મ લઈને આવ્યો છે. આ ફિલ્મમાં તેની સાથે અન્ય ઘણા કલાકારો પણ જોવા મળશે. તાજેતરમાં જ અક્ષય કુમારની ફિલ્મ ‘ખેલ ખેલ મેં’નું મોશન પોસ્ટર રીલીઝ કરવામાં આવ્યું છે, જે એક રોમાંચક, રોલરકોસ્ટર રાઈડ દર્શાવે છે. ફિલ્મમાં તમને હ્યૂમર, રસપ્રદ વાર્તાચીત અને ઘણું બધું જોવા મળશે.
અક્ષય કુમારે શેર કર્યું મોશન પોસ્ટર
અક્ષય કુમારે આ ફિલ્મના મોશન પોસ્ટરની ઝલક આપતી એક ઈન્સ્ટાગ્રામ પોસ્ટ શેર કરી છે. તેના કેપ્શનમાં, અભિનેતાએ લખ્યું છે કે ‘યારોં વાલા ખેલ, યારી વાલી પિક્ચર’ બેન્ડ બાજાના માહોલમાં…બેન્ડ વગાડનારી ફિલ્મ. વર્ષના સૌથી મોટા કૌટુંબિક મનોરંજનને ‘હેલો’ કહો! ખેલ ખેલ મેં 15 ઓગસ્ટ 2024ના રોજ થિયેટર્સમાં રીલીઝ થઈ રહી છે. અક્ષય સિવાય ફિલ્મની બાકીની કાસ્ટ આ મોશન પોસ્ટમાં જોવા મળે છે. આ ફિલ્મમાં અક્ષય કુમારનો લુક પણ સામે આવ્યો છે, જે અલગ છે. ફિલ્મ માટે તેણે ગ્રે હેર લુક અપનાવ્યો છે. ફિલ્મના પોસ્ટરમાં તમામ સ્ટાર્સ હસતા હસતા પોતાના હોઠ પર આંગળી રાખીને ચૂપ રહેવાનો ઈશારો કરી રહ્યા છે.
View this post on Instagram
ફિલ્મની સ્ટાર કાસ્ટ
આ કોમેડી-ડ્રામામાં અક્ષય કુમાર, તાપસી પન્નુ, વાણી કપૂર, અમ્મી વિર્ક, આદિત્ય સીલ, પ્રજ્ઞા જયસ્વાલ અને ફરદીન ખાનનો સમાવેશ થાય છે. આ ફિલ્મ હૃદયને સ્પર્શી જાય તેવા દ્રશ્યો અને હાસ્યનું અદ્ભુત મિશ્રણ છે. આ ફિલ્મનું નિર્દેશન મુદસ્સર અઝીઝ દ્વારા કરવામાં આવ્યું છે અને ભૂષણ કુમાર, કૃષ્ણ કુમાર, વિપુલ ડી શાહ, અશ્વિન વર્દે, રાજેશ બહલ, શશિકાંત સિંહા અને અજય રાય દ્વારા નિર્મિત છે. આ ફિલ્મ 15 ઓગસ્ટ 2024ના રોજ દેશભરમાં રીલીઝ થશે.
આ પણ વાંચોઃ તિશાના નિધનથી દુઃખી પરિવાર, બહેન તુલસી-ખુશાલી અને દિવ્યાએ શેર કરી ઈમોશનલ પોસ્ટ
