રહેમાન બાદ તેની ગિટારિસ્ટ મોહિનીના ડિવોર્સની પોસ્ટ વાયરલ, લોકોએ જોડ્યું નામ!
- પ્રખ્યાત સંગીતકાર એઆર રહેમાનના ડિવોર્સ બાદ તેમના ટ્રૂપની સભ્ય મોહિનીના ડિવોર્સની પોસ્ટ વાયરલ થતા વાત ચર્ચાના ચગડોળે ચઢી
20 નવેમ્બર, મુંબઈઃ એઆર રહેમાનના ડિવોર્સના ન્યુઝ બાદ હવે તેની ટ્રૂપના સભ્ય મોહિની ડેની પોસ્ટ વાયરલ થઈ રહી છે. જેમાં તેણે ડિવોર્સની જાહેરાત કરી છે. રહેમાનની પોસ્ટના થોડા સમય પહેલા મોહિનીએ આ પોસ્ટ કરી હતી. થોડા સમયના અંતરે આવેલી આ બે પોસ્ટ પર લોકો અનેક પ્રકારની ગોસિપ કરી રહ્યા છે. ઉલ્લેખનીય છે કે એઆર રહેમાને તેની પત્ની સાયરા બાનુ સાથે ડિવોર્સ લઈ લીધા છે. બંનેના લગ્નજીવનને 29 વર્ષ થયા છે. મોહિની ડે ગિટારવાદક છે અને તેણે રહેમાન સાથે 40થી વધુ શો કર્યા છે. રહેમાનના થોડા કલાકો પહેલા તેણે પોસ્ટ કરી હતી. હવે લોકો બંને પોસ્ટ જોડીને તેને વાયરલ કરી રહ્યા છે.
મોહિનીએ લખ્યો મેસેજ
મોહિનીએ પરિવારના સભ્યો, મિત્રો, ફોલોઅર્સ અને ફેન્સને સંબોધીને પોસ્ટ લખી છે. તેણે લખ્યું છે કે હું ભારે હૃદય સાથે તમને કહેવા માંગુ છું કે હું અને માર્ક અલગ થઈ ગયા છીએ. મારા પરિવાર અને મિત્રો પ્રત્યેની પ્રથમ જવાબદારી તરીકે હું તમને જણાવી દઉં કે આ નિર્ણય પરસ્પર સંમતિથી લેવામાં આવ્યો છે. અમે સારા મિત્રો રહ્યા છીએ, પરંતુ અમને જીવનમાં અલગ વસ્તુઓ જોઈએ છે, તેથી પરસ્પરની સહમતિથી આગળ વધવું એ અમને શ્રેષ્ઠ માર્ગ લાગ્યો.
મોહિનીની ઉંમર 29 વર્ષની
મોહિનીએ કહ્યું કે તે હજુ પણ માર્ક સાથે ઘણા પ્રોજેક્ટ્સમાં કામ કરી રહી છે. બંને એકસાથે સારી રીતે કામ કરે છે, જેથી તે અટકે નહીં. તેમણે લોકોને અપીલ કરી છે કે પ્રાઈવસીનું સન્માન કરો અને જજ ન કરો. મોહિની 29 વર્ષની છે.
લોકો કરી રહ્યા છે ગોસિપ
લોકો આ વાયરલ પોસ્ટ પર અલગ અલગ પ્રકારની ગોસિપ કરી રહ્યા છે. એક યુઝરે કમેન્ટ કરી છે કે, શું બંને વચ્ચે કંઈક છે? અન્ય યુઝરે લખ્યું છે, પણ અમે તો જજ કરીશું. અન્ય એક યુઝરે સીઆઈડીનું મીમ પોસ્ટ કરીને લખ્યું છે કે કંઈક તો ગરબડ છે. એકે લખ્યું છે કે સ્તરો ધીમે ધીમે પડ ખુલી રહ્યા છે. એકે લખ્યું છે કે, કદાચ આ બાસિસ્ટ અને રહેમાનજીનું અફેર છે. કેટલાક લોકો એ પણ લખી રહ્યા છે કે એઆર રહેમાન અને મોહિનીનું નામ જોડવું ખોટું છે.
આ પણ વાંચોઃ ‘ધ સાબરમતી રિપોર્ટ’ને મધ્યપ્રદેશ બાદ રાજસ્થાન સરકારે કરી ટેક્સ ફ્રી, CMએ આપી માહિતી
આ પણ વાંચોઃ સ્ટાર કિડ્સને નિશાન પર લેનાર કંગનાના સૂર શાહરૂખના દિકરા માટે બદલાઈ ગયા!
HD ન્યુઝના વોટ્સએપ ગ્રુપમાં જોડાવા માટે ક્લિક કરોઃ
