ખાલિસ્તાન સમર્થકો પર પંજાબ બાદ હવે જમ્મુ-કાશ્મીર સરકારે લીધા પગલાં, જાણો શું કાર્યવાહી કરાઈ ?
પંજાબ પોલીસ અને સુરક્ષા એજન્સીઓ ખાલિસ્તાન તરફી કટ્ટરપંથી નેતા અમૃતપાલ સિંહ અને તેના સહયોગીઓ પર સતત કડક કાર્યવાહી કરી રહી છે. હવે જમ્મુ-કાશ્મીર સરકારે અમૃતપાલના સહયોગી વિરુદ્ધ કાર્યવાહી કરવાનો નિર્ણય લીધો છે. સ્થાનિક પોલીસે અમૃતપાલના બે અંગરક્ષકોના શસ્ત્ર લાયસન્સ રદ કરી દીધા છે.
કોણ છે અમૃતપાલના સહયોગી ?
જમ્મુ અને કાશ્મીરના રામબન અને કિશ્તવારના ડેપ્યુટી કમિશનરે કહ્યું કે અમૃતપાલ સિંહના બે અંગરક્ષકોને જારી કરાયેલા શસ્ત્ર લાઇસન્સ રદ કરવામાં આવ્યા છે. તેમાં 19 શીખ રેજિમેન્ટના નિવૃત્ત સૈનિક વરિન્દર સિંહ અને 23 આર્મર્ડ પંજાબના નિવૃત્ત સૈનિક તલવિંદર સિંહના નામનો સમાવેશ થાય છે. આ પહેલા પંજાબ પોલીસે વરિંદરની ધરપકડ કરી હતી.
સહયોગી ગુરિન્દર સિંહની અટકાયત કરાઈ
ગુરુવારે પંજાબ પોલીસે અમૃતપાલના નજીકના સહયોગી ગુરિન્દર સિંહની અટકાયત કરી હતી. તે દેશ છોડીને લંડન ભાગી જવાનો પ્રયાસ કરી રહ્યો હતો. તેમની સામે લુક આઉટ નોટિસ જારી કરવામાં આવી હતી, તેથી તેમના માટે કોઈપણ રીતે દેશ છોડવો મુશ્કેલ હતો. પંજાબ પોલીસે ગુરુ રામદાસ એરપોર્ટ પરથી ગુરિંદર સિંહની અટકાયત કરી છે. હવે આ કાર્યવાહી ત્યારે થઈ છે જ્યારે થોડા દિવસો પહેલા આદેશ આપવામાં આવ્યો હતો કે અમૃતપાલના 9 નજીકના મિત્રોના શસ્ત્ર લાઇસન્સ રદ કરવામાં આવે.
નજીકના 9 લોકોના હથિયાર લાયસન્સ રદ કરવાનો આદેશ
વાસ્તવમાં પંજાબ પોલીસે જિલ્લા પ્રશાસનને પત્ર લખ્યો હતો. તે પત્રમાં અમૃતપાલના 9 નજીકના મિત્રોના શસ્ત્ર લાયસન્સ રદ કરવા આગ્રહ કરવામાં આવ્યો હતો. અગાઉ આપવામાં આવેલા હથિયારો સ્વરક્ષણ માટે હોવાનું પણ સ્પષ્ટપણે કહેવામાં આવ્યું હતું. હવે આ આદેશ બાદ અમૃતપાલ માટે આ વધુ એક મોટો ઝટકો છે. તેના નજીકના ગુરિંદરની અટકાયત કરવામાં આવી છે.
કયા કેસને કારણે કાર્યવાહી?
અમૃતપાલ સિંહ અને તેના સમર્થકો પર ચમકૌર સાહિબ નિવાસી વરિંદર સિંહનું અપહરણ અને હુમલો કરવાનો આરોપ હતો. વરિન્દર સિંહે પોલીસને તેની ફરિયાદમાં જણાવ્યું હતું કે અમૃતપાલ સિંહના સાથીઓએ તેનું અજનાલાથી અપહરણ કર્યું હતું અને તેને અજ્ઞાત સ્થળે લઈ ગયા હતા જ્યાં તેને નિર્દયતાથી મારવામાં આવ્યો હતો. પોલીસે અમૃતપાલ સિંહ અને તેના સમર્થકો વિરુદ્ધ કેસ નોંધ્યો હતો.
