સંસદમાં PM મોદીના નિવેદન બાદ કેમ સોશિયલ મીડિયા પર ‘પઠાણ’ ફરી ચર્ચામાં આવ્યું ?
શાહરૂખ ખાનની ફિલ્મ પઠાણ બોક્સ ઓફિસ પર ધૂમ મચાવી રહી છે. પીએમ નરેન્દ્ર મોદીની એક ક્લિપ સોશિયલ મીડિયા પર વાયરલ થઈ રહી છે. જેમાં પીએમ માદી સંસદમાં તેમના ભાષણ દરમિયાન તેમણે કહ્યું – શ્રીનગરની અંદર દાયકાઓ પછી થિયેટર હાઉસફુલ ચાલી રહ્યા છે. લોકો પીએમની આ વાતને પઠાણ ફિલ્મ સાથે જોડી રહ્યા છે.
આ પણ વાંચો : આજે Chocolate Day: સંબંધોમાં મીઠાશ લાવવાનો શ્રેષ્ઠ અવસર
શાહરૂખ ખાનની ફિલ્મ પઠાણ બોક્સ ઓફિસ પર ધૂમ મચાવી રહી છે. આ ફિલ્મ વિશ્વભરમાં 1000 કરોડની કમાણી તરફ આગળ વધી રહી છે. પઠાણ ફરી એકવાર સોશિયલ મીડિયા પર ટ્રેન્ડ કરી રહ્યું છે. કારણ કે દેશના વડાપ્રધાન નરેન્દ્ર મોદીએ સંસદમાં પોતાના ભાષણ દરમિયાન કંઈક એવું કહ્યું છે, જેને લોકો શાહરૂખ ખાનની ફિલ્મ સાથે જોડી રહ્યા છે.
After decades, the Theatres of Srinagar are going Housefull: PM #NarendraModi#ShahRukhKhan with #Pathaan has done unimaginable things. pic.twitter.com/7IlYCsMuJ4
— JUST A FAN. (@iamsrkfan_brk) February 8, 2023
શું કહ્યું પીએમ મોદીએ?
પીએમ નરેન્દ્ર મોદીના ભાષણની એક ક્લિપ સોશિયલ મીડિયા પર વાયરલ થઈ રહી છે. પીએમ વીડિયોમાં કહે છે – શ્રીનગરની અંદર દાયકાઓ પછી થિયેટર હાઉસફુલ ચાલી રહ્યા છે. પીએમના આ નિવેદન બાદ લોકોને પઠાણની યાદ આવી ગઈ. યુઝર્સ પીએમની વાતને શાહરૂખ ખાનની ફિલ્મ સાથે જોડી રહ્યા છે. કારણ કે દેશ-વિદેશમાં પોતાની તાકાત બતાવી રહેલા પઠાણે શ્રીનગરમાં પણ પોતાનો ડંકો વગાડ્યો હતો. 32 વર્ષ પછી માત્ર પઠાણના કારણે જ ત્યાંના થિયેટરોની રોનક પાછી આવી છે. શો હાઉસફુલ થવા લાગ્યા. વર્ષો પછી શ્રીનગરમાં થિયેટરની બહાર હાઉસફુલનું બોર્ડ લગાવવામાં આવ્યું હતું.
શ્રીનગરમાં પઠાણનો શો હાઉસફુલ
પીએમ મોદીના ભાષણની આ ક્લિપ કિંગ ખાનના ચાહકોમાં લોકપ્રિય છે. ચાહકો તેને ગર્વની ક્ષણ ગણાવી રહ્યા છે. એક યુઝરે લખ્યું- હવે દુનિયા માને છે. પઠાણને સૌનો પ્રેમ મળી રહ્યો છે. ઘણા લોકોએ પઠાણની સફળતાને શાહરૂખ ખાનનું સ્ટારડમ ગણાવ્યું છે. બીજી તરફ ટીએમસી સાંસદ ડેરેક ઓ બ્રાયન સંસદમાં પઠાણના વખાણ કર્યા છે.
આ પણ વાંચો : તુર્કી અને સીરિયામાં મૃત્યુઆંક 15 હજારને પાર, 60 હજારથી વધુ ઘાયલ તસવીરો જોઈને તમે રડી જશો
પઠાણની બમ્પર કમાણી
ફિલ્મ પઠાણના બોક્સ ઓફિસ કલેક્શનની વાત કરીએ તો તેણે દુનિયાભરમાં 865 કરોડની કમાણી કરી છે. ભારતમાં ફિલ્મનું કલેક્શન 450 કરોડને પાર થઈ ગયુ છે. રિલીઝના 15 દિવસ બાદ પણ પઠાણનો ક્રેઝ લોકો પરથી ઉતરી રહ્યો નથી. શાહરૂખ ખાન માટે લોકોનો ક્રેઝ એવો છે કે તેઓ બીજી-ત્રીજી વખત પઠાણના શો જોઈ રહ્યા છે. લોકોનો આ ક્રેઝ જોઈને પઠાણની ટિકિટના ભાવમાં ઘટાડો કરવામાં આવ્યો છે. વર્કીંગ ડેસમાં પણ પઠાણે બોક્સ ઓફિસ પર મજબૂત પકડ બનાવી છે.
