મેટ્રો અને ટ્રેન પછી હવે એરપોર્ટ પર પણ પહોંચી ગયો રીલનો વાયરસ, વીડિયો જોઈને લોકો થયા ગુસ્સે
HD ન્યૂઝ ડેસ્ક, 30 મે: આજકાલ મોટાભાગના લોકો રીલ બનાવવાના દિવાના બની ગયા છે. દરેક બીજો વ્યક્તિ એક રીલ બનાવીને સોશિયલ મીડિયા પર અપલોડ કરી રહ્યો છે અને પછી તે વાયરલ થવાની રાહ જુએ છે. જો તમે સોશિયલ મીડિયા પ્લેટફોર્મ પર એક્ટિવ છો તો તમે પણ આવા ઘણા વીડિયો જોયા હશે. કેટલાક લોકો ઈન્ટરનેટ યુઝર્સને સારું કન્ટેન્ટ આપવા માટે સખત મહેનત કરે છે, તો ઘણાખરા લોકો કોઈ પણ ગીત વગાડીને વિચિત્ર હરકતો કરે છે અથવા જાહેર સ્થળોએ ગીત પર વિચિત્ર ડાન્સ કરતા હોય તેવા વીડિયો બનાવે છે અને પછી તેને અપલોડ કરતા હોય છે. આવો જ એક વીડિયો હાલ સોશિયલ મીડિયા પર વાયરલ થઈ રહ્યો છે.
રીલનો વાયરસ હવે એરપોર્ટ પહોંચ્યો
તમે જોતો જ હશો કે અત્યાર સુધી મેટ્રો અને ટ્રેનમાં અશ્લીલ ડાન્સ અને વિચિત્ર હરકતો કરતા લોકોના વીડિયો સોશિયલ મીડિયા પર વાયરલ થતા આવ્યા છે. પરંતુ હવે આ લોકો તેનાથી પણ આગળ વધી ગયા છે અને એરપોર્ટ પર જઈને રીલ બનાવી રહ્યા છે. સોશિયલ મીડિયા પર એક વીડિયો વાયરલ થઈ રહ્યો છે જેમાં એક છોકરી બોલિવૂડના ગીત પર વિચિત્ર ડાન્સ કરી રહી છે. આ ડાન્સ તે પોતાના ઘરે નહીં પરંતુ એરપોર્ટ પર કરી રહી છે. ત્યાં હાજર લોકો તેની તરફ જોઈ રહ્યા છે અને તેની અવગણના કરી રહ્યા છે. આ વીડિયો સોશિયલ મીડિયા પર ખૂબ વાયરલ થઈ રહ્યો છે.
અહીં જૂઓ વાયરલ વીડિયો:
The virus has reached the airports pic.twitter.com/vSG15BOAZE
— desi mojito 🇮🇳 (@desimojito) May 29, 2024
આ વીડિયોને સોશિયલ મીડિયા પ્લેટફોર્મ X પર @desimojito નામના એકાઉન્ટથી શેર કરવામાં આવ્યો છે. વીડિયો શેર કરતી વખતે કેપ્શનમાં લખ્યું છે કે, ‘આ વાયરસ એરપોર્ટ પર પણ પહોંચી ગયો છે.’ વીડિયો ઝડપથી વાયરલ થઈ રહ્યો છે. વીડિયો જોયા બાદ એક યુઝરે લખ્યું- જો મને જોવા મળે તો આવા છપરીઓને લાફો મારી દવું. અન્ય યુઝરે લખ્યું- વાયરસને સારવારની જરૂરી છે. ત્રીજા યુઝરે લખ્યું- આ શું ગાંડપણ છે? અન્ય એક યુઝરે લખ્યું- લોકો પૈસા માટે કંઈ પણ કરવા તૈયાર છે.
આ પણ વાંચો: VIDEO: ટ્રેનમાં યુવતીનો અશ્લીલ ડાન્સ જોઈને લોકો થયા ગુસ્સે, રેલવેએ આપી પ્રતિક્રિયા
