જામનગર બાદ હવે ક્યાં અને ક્યારે યોજાશે અનંત અને રાધિકાનું બીજું પ્રી-વેડિંગ ?
જામનગર, 21 મે : ગુજરાતના જામનગરમાં ત્રણ દિવસીય પ્રી-વેડિંગ ફેસ્ટિવલનું આયોજન કર્યા પછી, મુકેશ અંબાણી અને નીતા અંબાણી તેમના પુત્ર અનંત અંબાણી અને રાધિકા મર્ચન્ટની બીજી પ્રી-વેડિંગ પાર્ટીનું આયોજન કરવાની તૈયારી કરી રહ્યા છે.
મળતી માહિતી મુજબ, જામનગરમાં યોજાયેલી ઉજવણીમાં મેટાના સ્થાપક માર્ક ઝુકરબર્ગ, માઇક્રોસોફ્ટના સહ-સ્થાપક બિલ ગેટ્સ, રીહાન્ના, સચિન તેંડુલકર, એમએસ ધોની, શાહરૂખ ખાન, કેટરિના કૈફ અને આલિયા ભટ્ટ સહિત લગભગ 1,200 મહેમાનોએ હાજરી આપી હતી.
મીડિયા રિપોર્ટ્સમાં દાવો કરવામાં આવ્યો છે કે 28 થી 30 મે વચ્ચે બીજી પ્રી-વેડિંગ પાર્ટીનું આયોજન કરવામાં આવશે. અહેવાલ છે કે અંબાણી પરિવાર લગભગ 800 મહેમાનોને લક્ઝરી ક્રૂઝ પર હોસ્ટ કરશે. આ ક્રૂઝ ત્રણ દિવસમાં 4380 કિમીનું અંતર કાપશે અને ઇટાલીથી દક્ષિણ ફ્રાન્સ જશે.
આ પ્રી-વેડિંગ ઈવેન્ટના ગેસ્ટ લિસ્ટમાં સલમાન ખાન, શાહરૂખ ખાન, આમિર ખાન, રણબીર કપૂર અને આલિયા ભટ્ટનો સમાવેશ થઈ શકે છે. 800 મહેમાનો ઉપરાંત 600 હોસ્પિટાલિટી સ્ટાફ પણ ક્રુઝ પર હાજર રહેશે.
અનંત અંબાણી જુલાઈમાં તેમની લાંબા સમયની મિત્ર રાધિકા મર્ચન્ટ સાથે લગ્ન કરવાના છે. એવું કહેવામાં આવી રહ્યું છે કે લગ્ન લંડનમાં થઈ શકે છે. આ કપલની સગાઈ 19 જાન્યુઆરી 2023ના રોજ મુંબઈમાં થઈ હતી. રાધિકા મર્ચન્ટ એન્કોર હેલ્થકેર પ્રાઈવેટ લિમિટેડના સીઈઓ વિરેન મર્ચન્ટ અને ઉદ્યોગસાહસિક શૈલા મર્ચન્ટની પુત્રી છે.
