IPL બાદ અનુષ્કા-વિરાટ અને સાગરિકા-ઝહિરે ડિનરની મજા માણી, વીડિયો વાયરલ
- IPLની સીઝન પૂરી થયા બાદ વિરાટ કોહલી રિલેક્સ મોડમાં જોવા મળી રહ્યો છે. હાલમાં જ અનુષ્કા-વિરાટ અને સાગરિકા-ઝહિર મુંબઈની એક રેસ્ટોરાંમાં ડિનર માટે ભેગા થયા હતા
29 મે, બુધવારઃ તાજેતરમાં ઈન્ડિયન પ્રીમિયર લીગ 2024નું સમાપન થયું છે. આ વર્ષે શાહરૂખ ખાનની ટીમ KKRએ IPL ટ્રોફી જીતી છે. તે જ સમયે, રોયલ ચેલેન્જર્સ બેંગ્લોરના સ્ટાર બેટ્સમેન વિરાટ કોહલીએ પણ IPL 2024માં જોરદાર પ્રદર્શન કર્યું હતું. હવે IPLની સીઝન પૂરી થયા બાદ વિરાટ કોહલી રિલેક્સ મોડમાં જોવા મળી રહ્યો છે. હાલમાં જ તે પત્ની અનુષ્કા શર્મા સાથે મુંબઈની એક રેસ્ટોરાંમાં ડિનર પર ગયો હતો.
મંગળવારે વિરાટ કોહલી પત્ની અનુષ્કા શર્મા સાથે મુંબઈની એક રેસ્ટોરાંમા સ્પોટ થયો હતો. આ દરમિયાન તેની સાથે પૂર્વ ક્રિકેટર ઝહિર ખાન અને તેની પત્ની સાગરિકા ઘટગે પણ જોવા મળ્યા હતા.
ચારેય સેલિબ્રિટીઝની અનેક તસવીરો સામે આવી છે, જેમાં તે રેસ્ટોરાંમાંથી બહાર નીકળતો જોઈ શકાય છે. વિરાટ-અનુષ્કા અને ઝહિર-સાગરિકાને એક સાથે જોયા બાદ પાપારાઝીએ તેમને કેમેરામાં કેપ્ચર કરવાનું શરૂ કરી દીધું હતું.
View this post on Instagram
આ દરમિયાન અનુષ્કા શર્મા વ્હાઈટ શર્ટ અને ડેનિમ લુકમાં કુલ લાગી રહી હતી, તો વિરાટ કોહલી બ્લેક ટી શર્ટ અને બેઝ પેન્ટમાં કેઝ્યુઅલ લુકમાં જોવા મળ્યો હતો. ઝહિર ખાને બ્લુ સ્ટ્રાઈપ વાળો શર્ટ અને જીન્સ પહેર્યું હતું, સાગરિકા કોટ-પેન્ટમાં સ્ટાઈલિશ લાગી રહી હતી.
આ પણ વાંચોઃ ગંભીર બાબતે શાહરૂખ ખાન માની ગયો છે?- જાણો વિગતો
