IAS અતહર આમિર કરશે ફરી લગ્ન, આ છે IAS કી દુલ્હનિયા
UPSC ટોપર અને IAS ઓફિસર ટીના ડાબીના પહેલા પતિ અને IAS અતહર આમિર ખાન ફરી એકવાર લગ્નના બંધનમાં બંધાવા જઈ રહ્યા છે. મળતી માહિતી મુજબ તે ડો.મેહરીન કાઝી સાથે લગ્ન કરવા જઈ રહ્યા છે. ઉલ્લખનીય છે કે હાલમાં જ અતહરની પહેલી પત્ની ટીના ડાબીના લગ્ન રાજસ્થાન પુરાતત્વ વિભાગના ડાયરેક્ટર પ્રદીપ ગાવંડે સાથે થયા હતા. હવે અતહર પોતાના અંગત જીવનમાં પણ આગળ વધવા જઈ રહ્યો છે.
ટીના ડાબીએ પ્રથમ ક્રમ મેળવ્યો હતો
અતહર 2015ની UPSC પરીક્ષામાં બીજો રેન્ક મેળવવામાં સફળ રહ્યો હતો. જ્યારે ટીના ડાબીએ પ્રથમ ક્રમ મેળવ્યો હતો. ટ્રેનિંગ દરમિયાન બંને એકબીજાના પ્રેમમાં પડી ગયા હતા. બાદમાં વર્ષ 2018માં બંનેએ લગ્ન કરી લીધા હતા. ત્યારે ટીનાએ કહ્યું હતું કે તેને પહેલી નજરમાં જ અતહર સાથે પ્રેમ થઈ ગયો હતો. પરંતુ બંનેનો સંબંધ લાંબો સમય ટકી શક્યો નહીં. વર્ષ 2020માં બંનેએ કોર્ટમાં છૂટાછેડા માટે અરજી કરી હતી. જેને વર્ષ 2021ના ઓગસ્ટમાં મંજૂરી આપવામાં આવી હતી.
અતહર ડૉક્ટર મેહરીન કાઝી સાથે લગ્ન
હવે અતહર ડૉક્ટર મેહરીન કાઝી સાથે લગ્ન કરવા જઈ રહ્યો છે. જો કે લગ્ન કઈ તારીખે થશે તે જાણી શકાયું નથી, પરંતુ એક વીડિયો શેર કરવામાં આવ્યો છે, જેમાં અતહર અને ડૉ. મેહરીન કાઝી એકબીજાનો હાથ પકડીને ચાલી રહ્યા છે.
અતહર શ્રીનગર મ્યુનિસિપલ કોર્પોરેશનના કમિશનર છે
મળતી માહિતી મુજબ અતહર અમીર ખાન હાલમાં શ્રીનગર મ્યુનિસિપલ કોર્પોરેશનના કમિશનર અને શ્રીનગર સ્માર્ટ સિટી લિમિટેડના સીઈઓ છે. 29 વર્ષીય અતહર મૂળ જમ્મુ-કાશ્મીરના અનંતનાગ જિલ્લાના રહેવાસી છે. તેમણે ઇલેક્ટ્રિકલ એન્જિનિયરિંગમાં B.Tech કર્યું. તે પછી તેણે યુપીએસસીની તૈયારી શરૂ કરી હતી. તેમણે પ્રથમ વખત 560મો રેન્ક મેળવ્યો હતો. આ પછી, તેમણે રેન્ક સુધારવા માટે વર્ષ 2015માં ફરીથી પરીક્ષા આપી હતી.
અતહરે ઘણા એવોર્ડ જીત્યા છે
અતહરે તેના શાનદાર કામ માટે ઘણા એવોર્ડ પણ જીત્યા છે. તાજેતરમાં યોજાયેલ સ્માર્ટ સિટી એવોર્ડ 2022 ઇવેન્ટ દરમિયાન, તેમના નેતૃત્વ હેઠળના શ્રીનગર સ્માર્ટ સિટીને વર્ષનો શ્રેષ્ઠ સિટી લીડર એવોર્ડ મળ્યો છે. અગાઉ, વર્ષ 2020માં તેમને સામાજિક સેવા સંબંધિત કાર્ય માટે IIT મંડી દ્વારા યંગ એચિવર્સ એવોર્ડ 2022 એનાયત કરવામાં આવ્યો હતો. વર્ષ 2019માં ભીલવાડા જિલ્લા વહીવટીતંત્રે તેમને લોકસભા ચૂંટણી 2019 ના સફળ સંચાલન માટે પુરસ્કાર પણ આપ્યો હતો.
ટીના ડાબીએ આ વર્ષે પ્રદીપ ગાવંડે સાથે લગ્ન કર્યા
IAS ટીના ડાબીએ આ વર્ષે પ્રદીપ ગાવંડે સાથે લગ્ન કર્યા. ટીનાની IAS બહેન રિયા દાબીએ સોશિયલ મીડિયા પર લગ્નનો એક વીડિયો શેર કર્યો હતો,.જેમાં ટીનાના લગ્ન, મહેંદી, સંગીત સેરેમનીની ઝલક જોવા મળી હતી. વીડિયોમાં ટીના તેની બહેન અને મિત્રો સાથે ડાન્સ કરતી જોવા મળી હતી.
