કંગના રનૌત આઠ વર્ષ બાદ સાયકોલોજિકલ થ્રિલર ફિલ્મમાં આર.માધવન સાથે સ્ક્રીન કરશે શેર
- અભિનેત્રી કંગના રનૌત આઠ વર્ષ બાદ આર.માધવન સાથે કોઈ ફિલ્મમાં જોવા મળશે
- તેજસ ફિલ્મ ફ્લોપ થયાં બાદ હવે કંગનાએ તેની નવી ફિલ્મનું શૂટિંગ શરૂ કર્યું
- સોશિયલ મીડિયા પર નવી ફિલ્મની જાહેરત કરી ચાહકો પાસેથી આશીર્વાદ માંગ્યા
મુંબઈ : તેજસ ફિલ્મ ફ્લોપ થયા બાદ હવે કંગના રનૌતે તેની નવી ફિલ્મનું શૂટિંગ શરૂ કરી દીધું છે. આ ફિલ્મમાં અભિનેત્રી કંગના રનૌત આઠ વર્ષ બાદ આર.માધવન સાથે જોવા મળશે. ફિલ્મનું શૂટિંગ શરૂ થતાં અભિનેત્રીએ સોશિયલ મીડિયા પર પોસ્ટ કરીને ચાહકો પાસેથી સમર્થન અને આશીર્વાદ પણ માંગ્યા છે. કંગના રનૌતની એરિયલ એક્શન થ્રિલર ફિલ્મ તેજસ તાજેતરમાં રિલીઝ થઈ હતી. આ ફિલ્મને લઈને ઘણી અપેક્ષાઓ હતી પરંતુ તે બોક્સ ઓફિસ પર ખરાબ રીતે ફ્લોપ થઈ અને 10 કરોડ રૂપિયા પણ કલેક્ટ કરી શકી નહીં. તેજસના સુપર ફ્લોપ બાદ કંગનાએ ફરી એકવાર કામ કરવાનું શરૂ કર્યું છે અને તેની આગામી ફિલ્મ પર પણ કામ શરૂ કરી દીધું છે. શનિવારે, અભિનેત્રીએ પોતે સોશિયલ મીડિયા પર આની જાહેરાત કરી.
Today in Chennai we started filming our new film, a psychological thriller.
Other details coming soon.
For now need all your support and blessings for this very unusual and exciting script 🙏 pic.twitter.com/GERsIYLsR7— Kangana Ranaut (@KanganaTeam) November 18, 2023
કંગનાએ નવી ફિલ્મની સોશિયલ મીડિયાના માધ્યમથી કરી જાહેરાત
કંગનાએ માઇક્રોબ્લોગિંગ સાઇટ X (અગાઉ ટ્વિટર) પર જાહેરાત કરી હતી કે, “તેણી એક ફિલ્મનું શૂટિંગ શરૂ કર્યું છે જે એક સાયકોલોજિકલ થ્રિલર ફિલ્મ છે. જો કે, કંગનાએ તેની આગામી ફિલ્મનું શીર્ષક જાહેર કર્યું નથી. કંગનાએ શૂટિંગ સમયની તસવીર પોસ્ટ કરી અને લખ્યું છે કે, “આજે ચેન્નાઈમાં અમે અમારી નવી સાયકોલોજિકલ થ્રિલર ફિલ્મનું શૂટિંગ શરૂ કર્યું છે. બાકીની વિગતો ટૂંક સમયમાં લાવશે. હાલમાં, આ ખૂબ જ અસામાન્ય અને આકર્ષક ફિલ્મને તમારા સમર્થન અને આશીર્વાદની જરૂર છે.”
આર. માધવન અને કંગના છેલ્લે તનુ વેડ્સ મનુ રિટર્ન્સમાં સાથે દેખાયા હતા
કંગનાએ તેની ઇન્સ્ટાગ્રામ સ્ટોરીઝ પર મૂહર્ત શૂટની એક તસવીર પણ શેર કરી છે અને દરેકના આશીર્વાદ માંગ્યા છે. આ સાથે તેણે લખ્યું છે કે, “મારા ઘણા ફેવરિટની સાથે આજથી શરૂ થતી અમારી નવી સફર માટે અમને તમારા બધાના પ્રેમ અને આશીર્વાદની જરૂર છે.” કંગનાએ એ પણ ખુલાસો કર્યો કે, તે ડિરેક્ટર એ.એલ. વિજય સાથે નવી ફિલ્મ કરી રહી છે. તેણે ડિરેક્ટર સાથે તેની તસવીર પણ શેર કરી છે. આ સાથે આર.માધવને પોતાની જૂની તસવીર શેર કરતા લખ્યું કે, “તે પાછો આવી ગયો છે.” ઉલ્લેખનીય છે કે આ પહેલા કંગના અને આર. માધવન ‘તનુ વેડ્સ મનુ રિટર્ન્સ’માં જોવા મળ્યા હતા.
કંગના રનૌતની આગામી ફિલ્મો
કંગના રનૌત હાલમાં જ ‘તેજસ’માં જોવા મળી હતી. અભિનેત્રીએ આ ફિલ્મમાં એરફોર્સના પાયલોટ તેજસ ગિલની ભૂમિકા ભજવી હતી. જોકે, આ ફિલ્મ બોક્સ ઓફિસ પર ભારે ફ્લોપ સાબિત થઈ હતી. હવે કંગના પોલિટિકલ ડ્રામા ફિલ્મ ‘ઇમરજન્સી’માં જોવા મળશે. આ ફિલ્મમાં કંગનાએ પૂર્વ વડાપ્રધાન ઈન્દિરા ગાંધીની ભૂમિકા ભજવી છે. કંગના ઉપરાંત અનુપમ ખેર, મહિમા ચૌધરી અને શ્રેયસ તલપડે જેવા ઘણા પાવરફુલ સ્ટાર્સે ‘ઇમરજન્સી’માં કામ કર્યું છે. આ ફિલ્મ પહેલા આ વર્ષે રીલીઝ થવાની હતી પરંતુ બાદમાં તેની રીલીઝ મોકૂફ રાખવામાં આવી હતી. હવે ‘ ઇમરજન્સી’ આવતા વર્ષે એટલે કે 2024માં સિનેમાઘરોમાં રિલીઝ થશે.
આ પણ જુઓ :કંગના રનૌતની ‘તેજસ’ બોક્સ ઓફિસ પર ફ્લોપ ગઈ! ફિલ્મને થયું 50 કરોડનું નુકસાન
