બાંગ્લાદેશને હરાવીને પ્રથમ વખત સેમિફાઇનલમાં પહોંચ્યું અફઘાનિસ્તાન, વર્લ્ડ ચેમ્પિયન ટીમ થઈ ગઈ બહાર
- અફઘાનિસ્તાને વરસાદથી પ્રભાવિત મેચમાં બાંગ્લાદેશને હરાવીને સેમિફાઇનલ માટે ક્વોલિફાય કરી લીધું છે. અફઘાનિસ્તાનની ટીમે પ્રથમ વખત સેમિફાઇનલમાં જગ્યા બનાવી
AFG vs BAN, 25 જૂન: અફઘાનિસ્તાને વરસાદથી પ્રભાવિત મેચમાં બાંગ્લાદેશને 8 રનથી હરાવ્યું છે. આ મેચમાં અફઘાનિસ્તાનના બોલરોએ શાનદાર પ્રદર્શન કર્યું છે. ડકવર્થ લુઈસ નિયમના કારણે બાંગ્લાદેશને જીતવા માટે 114 રનનો ટાર્ગેટ મળ્યો હતો, જેના જવાબમાં ટીમ 105 રન જ બનાવી શકી. લિટન દાસની શાનદાર ઈનિંગ્સ છતાં બાંગ્લાદેશની હાર થઈ છે. અફઘાનિસ્તાનની ટીમે પ્રથમ વખત સેમીફાઈનલમાં સ્થાન મેળવ્યું છે અને અફઘાનિસ્તાનની જીત સાથે જ ઓસ્ટ્રેલિયન ટીમ ટી20 વર્લ્ડ કપ 2024માંથી બહાર થઈ ગઈ છે અને તેનું ટાઈટલ જીતવાનું સપનું ચકનાચૂર થઈ ગયું છે. ઓસ્ટ્રેલિયાએ T20 વર્લ્ડ કપ 2021નો ખિતાબ જીત્યો હતો.
બાંગ્લાદેશના બેટ્સમેનો રાશિદ-નવીન સામે ટકી ન શક્યા
બાંગ્લાદેશ તરફથી લિટન દાસે મેચમાં સારી બેટિંગ કરી હતી. તે એક બાજુ ટકી રહ્યો અને વિકેટ ન પડવા દીધી. પરંતુ બાકીના બેટ્સમેનો સારો દેખાવ ન કરી શક્યા. માત્ર સૌમ્ય સરકાર, લિટન દાસ અને તૌહીદ હૃદય બે અંક સુધી પહોંચી શક્યા. લિટસ દાસે 41 બોલમાં પોતાની અડધી સદી પૂરી કરી હતી. તેણે 54 રન બનાવ્યા પછી અણનમ રહ્યો અને બાંગ્લાદેશને જીત તરફ દોરી શક્યો નહીં. અફઘાનિસ્તાન માટે રાશિદ ખાન સૌથી મોટો હીરો સાબિત થયો. તેણે ચાર ઓવરમાં 23 રન આપીને 4 વિકેટ લીધી હતી. આ સિવાય નવીન ઉલ હકે ચાર વિકેટ લીધી હતી. તેના શાનદાર પ્રદર્શન માટે તેને પ્લેયર ઓફ ધ મેચનો એવોર્ડ પણ મળ્યો હતો. ગુલબદ્દીન નાયબ અને ફઝલહક ફારૂકીએ એક-એક વિકેટ લીધી હતી.
GOING TO THE SEMI-FINALS 🤯
Afghanistan defeat Bangladesh in a thriller 📲https://t.co/Jpe4CazJFY#T20WorldCup #AFGvBAN pic.twitter.com/3GLYcoXWtk
— ICC (@ICC) June 25, 2024
ગુરબાઝે બનાવ્યા સૌથી વધુ રન
રહેમાનુલ્લા ગુરબાઝ અને ઈબ્રાહિમે અફઘાન ટીમ માટે ખૂબ જ ધીમી શરૂઆત કરી હતી. ગુરબાઝે 55 બોલમાં 43 રન બનાવ્યા હતા. જ્યારે ઝદરને 29 બોલમાં 18 રન બનાવ્યા હતા. આ બે સિવાય અન્ય બેટ્સમેનો ખાસ સફળતા ન બતાવી શક્યા. અઝમતુલ્લા ઉમરઝાઈએ 10 રન બનાવ્યા હતા. કેપ્ટન રાશિદ ખાને ચોક્કસપણે ઘણા મોટા સ્ટ્રોક રમ્યા હતા અને તેના કારણે જ અફઘાન ટીમ 100 રનનો આંકડો પાર કરવામાં સફળ રહી હતી. તેણે 10 બોલમાં 19 રન બનાવ્યા જેમાં ત્રણ છગ્ગાનો સમાવેશ થાય છે. અફઘાનિસ્તાને 20 ઓવરમાં 115 રન બનાવ્યા હતા. બાંગ્લાદેશ તરફથી રિશાદ હુસૈને સૌથી વધુ ત્રણ વિકેટ લીધી હતી.
આ પણ વાંચો: T20 WC : રોહિત શર્મા સદી ચુક્યો, AUSને આપ્યો 206 રનનો ટાર્ગેટ
