સમાજવાદી પાર્ટીના કદાવર નેતા આઝમ ખાન બાદ હવે તેમના પુત્ર અબ્દુલ્લા આઝમની વિધાનસભાની સદસ્યતા પણ રદ કરવામાં આવી છે. યુપી વિધાનસભા સચિવાલયે અબ્દુલ્લા આઝમની સીટ ખાલી જાહેર કરી છે. મુરાદાબાદની એક વિશેષ અદાલતે સપાના મહાસચિવ આઝમ ખાન અને તેમના ધારાસભ્ય પુત્ર અબ્દુલ્લા આઝમને 15 વર્ષ જૂના કેસમાં બે વર્ષની સજા ફટકારી છે.
અબ્દુલ્લા આઝમ રામપુરની સુઅર સીટથી ધારાસભ્ય બન્યા છે. જનપ્રતિનિધિત્વ અધિનિયમ મુજબ- બે વર્ષ કે તેથી વધુ સજા પામેલ કોઈ પણ વ્યક્તિને ‘આવી સજાની તારીખથી’ અયોગ્ય ઠેરવવામાં આવશે અને જેલમાં સમય વિતાવ્યા પછી છ વર્ષ સુધી અયોગ્યતા યથાવત્ રહેશે. અબ્દુલ્લા તેના પિતા આઝમ ખાનની હરોળમાં જોડાયો, અબ્દુલ્લાને ઓક્ટોબર 2022માં વિધાનસભાના સભ્યપદેથી ગેરલાયક ઠેરવવામાં આવ્યા હતા.
Assembly membership of SP MLA Abdullah Azam Khan from Rampur Suar Assembly has been cancelled. The Legislative Assembly Secretariat declared the seat of Abdullah Azam vacant.
(File pic) pic.twitter.com/TTxdosWK3a
— ANI UP/Uttarakhand (@ANINewsUP) February 15, 2023
આઝમ ખાન અને તેમના પુત્રને બે-બે વર્ષની સજા
તપાસ દરમિયાન પોલીસ સાથેના વિવાદમાં આઝમ ખાન સહિત નવ લોકો સામે નોંધાયેલા કેસમાં સાંસદ-ધારાસભ્ય કોર્ટના ન્યાયાધીશ સ્મિતા ગોસ્વામીએ સોમવારે આઝમ ખાન અને તેમના પુત્ર અબ્દુલ્લાને બે-બેની સજા ફટકારી હતી. તેમને બે વર્ષની સજા અને રૂ.3,000નો દંડ ફટકારવામાં આવ્યો હતો. જોકે, બચાવ પક્ષના વકીલ શાહનવાઝ હુસૈને જણાવ્યું કે, કોર્ટે જામીન માટે અરજી કરી હતી, જેને સ્વીકારીને કોર્ટે આઝમ ખાન અને અબ્દુલ્લા આઝમને જામીન આપ્યા છે.
ભાજપના ધારાસભ્ય આકાશ સક્સેનાએ વિધાનસભાના મુખ્ય સચિવને પત્ર લખીને સુઅર બેઠક ખાલી જાહેર કરવાની માંગણી કરી હતી. તેમણે કહ્યું કે આ દેશનો પહેલો એવો કિસ્સો સાબિત થશે કે જ્યાં એક જ ધારાસભ્ય બે વખત ધારાસભ્ય બન્યા બાદ બંને વખત તેમની વિધાનસભાની સદસ્યતા છીનવાઈ ગઈ હોય.
