શેરબજારમાં 600 પોઈન્ટના ઉછાળા પછી એકાએક કડાકો બોલ્યો, જાણો શું રહ્યો સેન્સેકસ-નિફ્ટી ઈન્ડેક્સ

મુંબઈ, 9 ઓક્ટોબર : ભારતીય શેરબજારમાં આજે બુધવારે મજબૂત શરૂઆત થઈ હતી પરંતુ બજાર બંધ થતાં સુધીમાં આ ઉછાળો અચાનક પતનમાં ફેરવાઈA ગયો હતો. 600થી વધુ પોઈન્ટના ઉછાળા બાદ બોમ્બે સ્ટોક એક્સચેન્જનો 30 શેરો ધરાવતો સેન્સેક્સ છેલ્લા ટ્રેડિંગ કલાકમાં તૂટી પડ્યો અને 167 પોઈન્ટના ઘટાડા સાથે બંધ થયો હતો. બીજી તરફ નેશનલ સ્ટોક એક્સચેન્જનો નિફ્ટી પણ 31 પોઈન્ટના ઘટાડા સાથે બંધ થયો હતો. આ દરમિયાન મુકેશ અંબાણીની કંપની રિલાયન્સ સહિત અનેક કંપનીઓના શેર તૂટતા જોવા મળ્યા હતા.

સેન્સેક્સ 670 પોઈન્ટ ઉછળ્યો, પછી કડાકો થયો

સૌથી પહેલા બુધવારના રોજ શેરબજારમાં આવેલા બદલાવની વાત કરીએ તો બીએસઈ સેન્સેક્સ તેના અગાઉના બંધ 81,634.81ની સરખામણીમાં ઉછાળા સાથે 81,954.58 ના સ્તર પર ખુલ્યો હતો અને સવારે 10 વાગ્યાની આસપાસ હતો. દરમિયાન આરબીઆઈ ગવર્નર શક્તિકાંત દાસે રેપો રેટ સ્થિર રાખવાના નિર્ણયની જાહેરાત કરી, તેની અસર બજાર પર દેખાઈ અને સેન્સેક્સે વેગ પકડ્યો અને 670 પોઈન્ટ સુધીના ઉછાળા સાથે 82,319ના સ્તરે ટ્રેડ થઈ રહ્યો હતો. પરંતુ આ મોમેન્ટમ છેલ્લા ટ્રેડિંગ કલાકમાં સમાપ્ત થઈ ગયું અને અંતે BSEનો 30 શેરનો ઈન્ડેક્સ 167.71 પોઈન્ટ ઘટીને 81,467.10 ના સ્તર પર બંધ થયો હતો.

નિફ્ટીનો ઉછાળો પણ નિયંત્રણમાં આવ્યો હતો

સેન્સેક્સની જેમ નેશનલ સ્ટોક એક્સચેન્જનો નિફ્ટી ઈન્ડેક્સ પણ અચાનક ગ્રીન ઝોનમાંથી રેડ ઝોનમાં આવી ગયો હતો અને ઘટાડા સાથે બંધ થયો હતો. NSE નિફ્ટી 25,065 ના સ્તર પર ખુલ્યો, તેના અગાઉના 25,013 ના બંધની તુલનામાં વેગ મળ્યો હતો. આ પછી, આરબીઆઈના નિર્ણયો પછી સેન્સેક્સે વેગ પકડ્યો કે તરત જ નિફ્ટી-50 પણ ભાગવા લાગ્યો અને સમાચાર લખાય છે ત્યાં સુધી તે 215 પોઈન્ટ અથવા 0.84% ​​ના વધારા સાથે 25,227 ના સ્તર પર પહોંચી ગયો, પરંતુ ટ્રેડિંગના અંતે તે 31.20 પોઈન્ટ વધીને 24,981.95 ના સ્તરે બંધ રહ્યો હતો.

આ 10 શેરોએ ઘટાડામાં મહત્વની ભૂમિકા ભજવી હતી

જો આપણે શેરબજારમાં ઘટાડા માટે મહત્વની ભૂમિકા ભજવનાર મોટી કંપનીઓના શેરની વાત કરીએ તો લાર્જ કેપ કેટેગરીમાં સામેલ ITC શેર 3.17%ના ઘટાડા સાથે રૂ. 491.80 પર બંધ થયો હતો. જ્યારે નેસ્લે ઈન્ડિયાનો શેર 2.21% ઘટીને રૂ. 2516.70 પર બંધ થયો હતો.  આ સાથે હિન્દુસ્તાન યુનિલિવર (HUL શેર) 1.68% ઘટ્યો, જ્યારે રિલાયન્સ શેર 1.64% ઘટીને રૂ. 2750.10 પર બંધ થયો.  આ સિવાય ઇન્ડસઇન્ડ બેન્કનો શેર પણ લગભગ દોઢ ટકા તૂટ્યો હતો. આ સિવાય મિડકેપ કંપનીઓમાં સામેલ મહાબેંક શેર 3.89%, ભારતી હેક્સાકોમ શેર 2.86% અને ટાટા કોમ્યુનિકેશન શેર 2.74% વધીને બંધ થયા છે.  સ્મોલ કેપ કંપનીઓમાં, સિક્વેન્ટ શેર 3.79% અને હેરિયન પાઇપ શેર 3.64% ઘટ્યો હતો.

આ પણ વાંચો :- ક્રિકેટર તરીકે લોકપ્રિય થયા પછી ધર્માંતરણ કરનાર ખેલાડીઓની યાદી લાંબી છેઃ જાણો અહીં