અફઘાનિસ્તાનની આ છોકરીએ પોતાનો અવાજ બુલંદ કર્યોં, દુનિયાએ આપી સલામી

અફઘાનિસ્તાન, 21 નવેમ્બર 2024  : અફઘાનિસ્તાનની 17 વર્ષની છોકરી નીલા ઈબ્રાહિમીને આંતરાષ્ટ્રીય બાળ શાંતિ પુરસ્કારથી નવાજવામાં આવી છે. આ એવો એવોર્ડ છે જે પાકિસ્તાનની મલાલા યુસુફઝાઈ પણ જીતી ચૂકી છે. નીલા એક એવી છોકરી છે જેને તેના જ દેશમાં બોલતા અટકાવવામાં આવી હતી. આ પછી પણ તેણે હાર ન માની અને કાબુલમાં છોકરીઓના અધિકાર માટે લડતી રહી.

નેધરલેન્ડના એમ્સ્ટરડેમમાં એક સમારોહમાં નીલાને આ એવોર્ડ આપવામાં આવ્યો હતો. અગાઉ આ પુરસ્કાર મલાલા યુસુફઝાઈ, ગ્રેટા થનબર્ગ અને નકોસી જોનસનને આપવામાં આવ્યો છે. અફઘાનિસ્તાનમાં તાલિબાનનું શાસન છે. 2021માં અમેરિકાની પીછેહઠ બાદ તાલિબાન અહીં સત્તામાં છે.

નીલાના કારણે આદેશ પાછો ખેંચવો પડ્યો
એક ઈન્ટરવ્યુમાં નીલાએ એક્ટિવિસ્ટ તરીકેના તેના પ્રથમ કામ વિશે જણાવ્યું. તેણે કહ્યું કે તે સમયે તે જોખમી લાગતું હતું, પરંતુ કદાચ હું આખો વિચાર સમજી શકી નહીં કારણ કે હું માત્ર 13 કે 14 વર્ષની હતી. તેણે વધુમાં કહ્યું કે, જો વિશ્વના એક ભાગમાં મહિલાઓના અધિકારો પ્રભાવિત થઈ રહ્યા છે તો સમગ્ર વિશ્વ કોઈને કોઈ રીતે પીડાશે.

માર્ચ 2021 માં અફઘાનિસ્તાનમાં તાલિબાન સત્તામાં આવ્યા તે પહેલાં, કાબુલ શિક્ષણ નિર્દેશાલયે 12 વર્ષથી વધુ ઉંમરની છોકરીઓને જાહેરમાં ગાવા પર પ્રતિબંધ મૂક્યો હતો. નીલાએ આનો વિરોધ કર્યો. તેણે પ્રદર્શન કર્યું. તેણે મૌન રહેવાની ના પાડી. નીલાએ #IAmMySong અભિયાનના ભાગ રૂપે એક વિરોધ ગીત રેકોર્ડ કર્યું અને તે વાયરલ થયું. તેના ગીતની એવી અસર હતી કે થોડા અઠવાડિયામાં જ આદેશ પલટાઈ દેવામાં આવ્યો.

અફઘાનિસ્તાનથી કેનેડા ગઈ
નીલાએ કહ્યું કે મેં પહેલી વાર વિચાર્યું કે વાહ. જેમ કે જો મારે આ જોઈએ છે, જો મને લાગે છે કે આ રીતે હું જીવવા માંગુ છું, તો હું બોલી શકું છું અને તે સ્વીકારી શકાય છે. નીલા તેના પરિવાર સાથે 30 બર્ડ્સ ફાઉન્ડેશનની મદદથી અફઘાનિસ્તાનથી પાકિસ્તાન ભાગી ગઈ હતી. આ પછી તે કેનેડા ગઈ જ્યાં તેણે અફઘાન છોકરીઓની વકીલાત કરવાનું ચાલુ રાખ્યું.

આ પણ વાંચો : ગુજરાતમાં અનુસૂચિત જાતિના ૪ હજાર વિદ્યાર્થીઓની રૂ. ૬૧૬ કરોડથી વધુની લોન મંજૂર