‘આદિપુરુષ’ના ગીત ‘રામ સિયા રામ’ને યુટ્યુબ પર એક કલાકમાં આટલા મળ્યા વ્યુઝ…
આદિપુરુષ ફિલ્મનું નવું ગીત રિલીઝ થતાની સાથે જ દર્શકોના દિલોદિમાગને ડોલાવી રહ્યું છે. લોકો ફિલ્મના ગીતની આતુરતાથી રાહ જોઈ રહ્યા હતા, જે પૂર્ણ થતાની સાથે જ યુટ્યુબ પર વાયરલ થઈ ગયું છે. આદિપુરુષ ફિલ્મનું ગીત રિલીઝ થઈ ગયું છે. આ ગીતે આવતાની સાથે જ દર્શકોના દિલ પર એક અલગ જ છાપ છોડી દીધી છે. આ ફિલ્મના ટ્રેલર બાદ તેનું ગીત પણ સોશિયલ મીડિયા પર લોકપ્રિય થયું છે. તમને જણાવી દઈએ કે આદિપુરુષનું ગીત ‘રામ સિયા રામ’ રિલીઝ થયા બાદથી જ યુટ્યુબ પર નંબર વન પર ટ્રેન્ડ કરી રહ્યું છે. આ ગીતના બોલ દર્શકોને ખૂબ જ પસંદ આવી રહ્યા છે. આ ગીતને માત્ર 1 કલાકમાં 1.2 મિલિયન વ્યૂઝ મળ્યા છે.
સોશિયલ મીડિયા ઉપર છવાયું ગીત
આદિપુરુષનું પહેલું ગીત રિલીઝ થયા બાદ જ સોશિયલ મીડિયા પર વાયરલ થઈ ગયું છે. દર્શકોને આ ગીતના બોલથી લઈને સંગીત સુધી ખૂબ જ પસંદ આવી રહ્યું છે. તેના સંગીતે આ ગીતને વધુ અદભૂત બનાવ્યું છે. આ ભક્તિ ગીતના બોલ પ્રખ્યાત ગીતકાર મનોજ મુન્તાસીર શુક્લાએ લખ્યા છે.તો આ ગીત લોકપ્રિય ગાયકો સાચેત અને પરમપરાએ ગાયું છે. આ ફિલ્મની રિલીઝ પહેલા જ ચાહકોમાં તેની ખૂબ ચર્ચા છે. જ્યારે આ ફિલ્મનું ટીઝર રિલીઝ કરવામાં આવ્યું ત્યારે તે સમયે તેની ઘણી ટીકા થઈ હતી. હવે તેનું પહેલું ગીત લોકોને ઘણું પ્રિય થઈ ગયું છે.
આ પણ વાંચો : પુત્રના અભ્યાસ પર ભાવુક થઈ માધુરી દીક્ષિત…
ફિલ્મ ક્યારે થશે રિલીઝ
‘આદિપુરુષ’ના ટ્રેલરને પણ સારો પ્રતિસાદ મળ્યો છે. આ સાથે ચાહકો આ ફિલ્મને બ્લોકબસ્ટર કહી રહ્યા છે.ફિલ્મનું બજેટ 700 કરોડ હોવાનું કહેવાય છે.વાસ્તવમાં, ફિલ્મના VFX અને એનિમેશનમાં આવેલા ફેરફારોને કારણે બજેટમાં વધારો થયો છે અને તે 500 થી વધીને 700 કરોડ થઈ ગયો છે. ફિલ્મની રિલીઝની વાત કરીએ તો, તે 16 જૂન, 2023ના રોજ સિનેમાઘરોમાં આવશે. હાલમાં, દમદાર ટ્રેલર જોયા પછી, હવે ચાહકો તેના રિલીઝની ઉત્સુકતાથી રાહ જોઈ રહ્યા છે.
આ પણ વાંચો : જુઓ ….નકુલ મહેતાએ ગુલાબી સ્કર્ટમાં કર્યો ધમાકેદાર ડાન્સ
