અદાણી-હિંડનબર્ગ મુદ્દો: ગૌતમ અદાણીએ સુપ્રીમ કોર્ટની કમિટીની રચનાનું કર્યું સ્વાગત, કહ્યું- સત્યની જીત થશે
હિંડનબર્ગ રિસર્ચ રિપોર્ટ બાદ અદાણી ગ્રૂપના શેરમાં થયેલા ભારે ઘટાડાનું પરીક્ષણ કરવા અને નાના રોકાણકારોના હિતોના રક્ષણ માટે સેબીના હાલના નિયમનકારી તંત્રની સમીક્ષા કરવા માટે સુપ્રીમ કોર્ટના નિવૃત્ત ન્યાયાધીશની અધ્યક્ષતામાં નિષ્ણાત સમિતિની રચના કરવામાં આવી છે. સુપ્રીમ કોર્ટના આ આદેશ પર અદાણી ગ્રુપના ચેરમેન ગૌતમ અદાણીની પ્રતિક્રિયા આવી છે. સુપ્રીમ કોર્ટના આદેશનું સ્વાગત કરતા ગૌતમ અદાણીએ કહ્યું કે સત્યની જીત થશે.
The Adani Group welcomes the order of the Hon'ble Supreme Court. It will bring finality in a time bound manner. Truth will prevail.
— Gautam Adani (@gautam_adani) March 2, 2023
સુપ્રીમ કોર્ટે પૂર્વ સુપ્રીમ કોર્ટના જજ એએમ સપ્રેના નેતૃત્વમાં એક સમિતિની રચના કરી છે. ICICI બેંકના સીઈઓ કે.વી. કામથ અને ઈન્ફોસિસના સહ-સ્થાપક નંદન નિલેકણી સમિતિના સભ્યો હશે. આ સિવાય એસબીઆઈના ભૂતપૂર્વ ચેરમેન ઓપી ભટ્ટ, જસ્ટિસ જેપી દેવધર અને સોમશેખર સંદર્શન સમિતિના અન્ય સભ્યો છે. આ સમિતિને બે મહિનાની અંદર સીલબંધ કવરમાં પોતાનો અહેવાલ સુપરત કરવાનું કહેવામાં આવ્યું છે. કમિટી બનાવવાનો સુપ્રીમ કોર્ટનો આદેશ આવ્યાના થોડા સમય બાદ ગૌતમ અદાણીએ ટ્વિટ કર્યું હતું. તેમણે ટ્વિટ કર્યું કે અદાણી જૂથ સુપ્રીમ કોર્ટના આદેશનું સ્વાગત કરે છે. તે સમયબદ્ધ રીતે મામલાને ચરમસીમાએ લઈ જશે. સત્યની જીત થશે.
