અદાણી ગ્રુપ તેલંગાણામાં રૂ. 12,400 કરોડનું કરશે રોકાણ, CM રેડ્ડી સાથેની બેઠક બાદ જાહેરાત
- વર્લ્ડ ઈકોનોમિક ફોરમની 54મી વાર્ષિક બેઠક દરમિયાન સીએમ રેવન્ત રેડ્ડી અને અદાણી ગ્રુપના ચેરમેન ગૌતમ અદાણી વચ્ચે થઈ બેઠક
તેલંગાણા, 17 જાન્યુઆરી: તેલંગાણાના મુખ્યમંત્રી એ રેવન્ત રેડ્ડીએ આજે સ્વિટ્ઝર્લેન્ડના દાવોસમાં ચાલી રહેલી વર્લ્ડ ઈકોનોમિક ફોરમની પાંચ દિવસીય 54મી વાર્ષિક બેઠક દરમિયાન અદાણી ગ્રુપના ચેરમેન ગૌતમ અદાણી સાથે મુલાકાત કરી હતી. આ દરમિયાન તેલંગાણામાં વ્યવસાયિક રોકાણ અને ત્યાં ઉપલબ્ધ વ્યવસાયિક તકો અંગે બંને વચ્ચે લાંબી ચર્ચા થઈ. બેઠક બાદ અદાણી ગ્રુપના સીઈઓ ગૌતમ અદાણી, એરોસ્પેસ અને ડિફેન્સના સીઈઓ આશિષ રાજવંશીએ આગામી વર્ષોમાં તેલંગાણામાં રૂ. 12,400 કરોડના રોકાણ માટે રાજ્ય સરકાર સાથે ચાર MOU પર હસ્તાક્ષર કર્યા.
અદાણી ગ્રુપ કયા સેક્ટરમાં કેટલું રોકાણ કરશે?
- અદાણી ગ્રીન એનર્જી તેલંગાણામાં 1350 મેગાવોટની ક્ષમતાના બે પમ્પ્ડ સ્ટોરેજ પ્રોજેક્ટ સ્થાપવા માટે રૂ. 5,000 કરોડનું રોકાણ કરશે.
- AdaniConneX ડેટા સેન્ટર ચંદનવેલીમાં 100 મેગાવોટની કુલ ક્ષમતા સાથે ડેટા સેન્ટર કોમ્પ્લેક્સ સેટ કરવા માટે રૂ. 5,000 કરોડનું રોકાણ કરશે.
- અંબુજા સિમેન્ટ્સ લિમિટેડ તેલંગાણામાં 6.0 MTPA ક્ષમતાના સિમેન્ટ ગ્રાઇન્ડિંગ યુનિટમાં રૂ. 1,400 કરોડનું રોકાણ કરશે.
- અદાણી એરોસ્પેસ એન્ડ ડિફેન્સ અદાણી એરોસ્પેસ અને ડિફેન્સ પાર્કમાં કાઉન્ટર ડ્રોન સિસ્ટમ અને મિસાઈલ ડેવલપમેન્ટ અને ઉત્પાદન કેન્દ્રોમાં રૂ. 1,000 કરોડનું રોકાણ કરશે.
Chief Minister Sri @revanth_anumula, along with Industries Minister Sri @Min_SridharBabu, met with Sri @gautam_adani, Chairman @AdaniOnline on the sidelines of @wef‘s 54th Annual Meeting in #Davos.
The hour-long meeting covered a plethora of exciting new business opportunities… pic.twitter.com/9JfclrKnnL
— Telangana CMO (@TelanganaCMO) January 16, 2024
તમામ જરૂરી સુવિધાઓ અને ઈન્ફ્રાસ્ટ્રક્ચર પૂરું પાડશે – સીએમ રેડ્ડી
સીએમ રેડ્ડી અને અદાણી ગ્રુપના ચેરમેન ગૌતમ અદાણી વચ્ચે તેલંગાણામાં બિઝનેસની તકો સહિત ઘણા મહત્વના મુદ્દાઓ પર લગભગ એક કલાક સુધી ચર્ચા થઈ હતી. અદાણી ગ્રુપના સીઈઓ સાથેની મીટિંગ બાદ તેલંગાણાના સીએમ રેવન્ત રેડ્ડીએ ખાતરી આપી હતી કે રાજ્ય સરકાર સરકાર પ્રોજેક્ટ માટે જરૂરી સુવિધાઓ, ઈન્ફ્રાસ્ટ્રક્ચર અને જરૂરી સપોર્ટ આપશે.
તેલંગાણાની નવી સરકાર ‘રોકાણકાર મૈત્રીપૂર્ણ’: ગૌતમ અદાણી
અદાણી ગ્રૂપના ચેરમેન ગૌતમ અદાણીએ બેઠક દરમિયાન જણાવ્યું હતું કે, “તેલંગાણામાં નવી સરકાર ખૂબ જ રોકાણકારોને અનુકૂળ રહી છે, નવી આયોજિત નીતિ વધુ રોકાણ આકર્ષે તેવી શક્યતા છે. આ સુવિધાઓથી અદાણી જૂથ તેલંગાણામાં ઝડપી ગતિએ વિકાસ કરી શકશે.”
આ પણ વાંચો: જો તમારી ફ્લાઈટ મોડી થશે તો એરલાઇન્સ Whatsapp થી જાણ કરશે, DGCA એ જાહેર કરી SOP
