અદાણી ગ્રુપની એક કંપની અદાણી સ્પોર્ટ્સલાઈને સોમવારે UAE T20 લીગમાં ફ્રેન્ચાઈઝીની માલિકી અને સંચાલનના અધિકારો મેળવીને ફ્રેન્ચાઈઝી ક્રિકેટમાં પ્રવેશ કર્યો. અમીરાત ક્રિકેટ બોર્ડ દ્વારા લાઇસન્સ પ્રાપ્ત, UAE T20 લીગ વાર્ષિક ઇવેન્ટ હશે જેમાં છ ટીમો 34-મેચની ઇવેન્ટમાં ભાગ લેશે. ક્રિકેટ રમતા તમામ દેશોના ટોચના ખેલાડીઓ વિવિધ ટીમોની લાઇન-અપમાં હોવાની અપેક્ષા છે.
આ લીગ આવનારા ક્રિકેટરોને પ્લેટફોર્મ પણ પૂરું પાડશે. અદાણી સ્પોર્ટ્સલાઈન દ્વારા વિદેશમાં આ પહેલું મોટું પગલું હશે જે વિશ્વનાં તમામ ક્રિક્ટ રાષ્ટ્રો અને દર્શકોને પોતાની સાથે જોડવાનું કામ કરશે. આ પ્રસંગે UAEના T20 લીગના ચેરમેન ખાલિદ અલ ઝારૂનીએ જણાવ્યું હતું કે, “ફ્રેન્ચાઇઝી ટીમના માલિક તરીકે UAEની T20 લીગ સાથે અદાણી ગ્રુપના જોડાણની જાહેરાત કરવી એ અમારા માટે ગર્વની ક્ષણ છે. આ સંપાદન કોર્પોરેટ્સના જૂથમાં સંપૂર્ણ રીતે બંધબેસે છે જેમણે લીગમાં પહેલાથી જ ફ્રેન્ચાઇઝ ટીમના અધિકારો મેળવી લીધા છે. અદાણી ગ્રૂપ દ્વારા દર્શાવવામાં આવેલો વિશ્વાસ લીગ માટે સારો સંકેત આપે છે અને અમે તેમની વ્યાપારી કુશળતાથી લાભ મેળવવા અને અમારી લીગને સફળ બનાવવા માટે સાથે મળીને કામ કરવા આતુર છીએ”
પ્રણવ અદાણીએ કહ્યું, “અમે UAE T20 લીગનો ભાગ બની અને ઉત્સાહિત છીએ.” “યુએઈ લીગ એ ઘણા ક્રિકેટ-પ્રેમી રાષ્ટ્રોનું અદ્ભુત જોડાણ છે. તે ક્રિકેટની દૃશ્યતા વધારવા માટે એક ઉત્તમ પ્લેટફોર્મ પૂરું પાડે છે કારણ કે રમત વધુને વધુ વૈશ્વિક બની રહી છે. અહીં અમારી હાજરી અદાણી બ્રાન્ડ માટે પણ એક મોટો આધાર છે જે બોક્સિંગ અને કબડ્ડી જેવી લીગ દ્વારા ભારતમાં રમતગમતની ઇકોસિસ્ટમમાં નોંધપાત્ર યોગદાન આપી રહી છે અને “ગરવ હૈ” પહેલ દ્વારા પાયાના સ્તરે રમત પ્રતિભાનો વિકાસ કરી રહી છીએ,” તેમણે વધુમાં કહ્યું કે, રિલાયન્સ ઈન્ડસ્ટ્રીઝ લિમિટેડ, લેન્સર કેપિટલ, GMR ગ્રુપ અને કેપ્રી ગ્લોબલે પણ UAE T20 લીગમાં એક-એક ટીમ હસ્તગત કરી છે.
