અમદાવાદ, 7 જૂન : અદાણી ગ્રૂપની કંપની અદાણી પોર્ટ્સ એન્ડ સ્પેશિયલ ઈકોનોમિક ઝોન લિમિટેડ (APSEZ) એ શુક્રવારે જણાવ્યું હતું કે કંપનીને આગામી પાંચ વર્ષ માટે કોલકાતા પોર્ટના જાળવણી અને સંચાલન માટેનો કોન્ટ્રાક્ટ મળ્યો છે. કંપનીએ નિવેદનમાં જણાવ્યું હતું કે લેટર ઓફ એક્સેપ્ટન્સ (LoA) પ્રાપ્ત થયાના સાત મહિનાની અંદર પોર્ટ પર કાર્ગો હેન્ડલિંગ સાધનો તૈનાત કરવામાં આવશે.
પાંચ વર્ષ માટે કોન્ટ્રાક્ટ આપવામાં આવ્યો છે
APSEZએ કોલકાતાના શ્યામા પ્રસાદ મુખર્જી પોર્ટના પાંચ વર્ષના સંચાલન અને જાળવણી માટેનો કોન્ટ્રાક્ટ જીત્યો છે, એમ કંપનીએ એક નિવેદનમાં જણાવ્યું હતું. કંપનીએ હરાજી પ્રક્રિયામાં સ્પર્ધા કરીને આ કોન્ટ્રાક્ટ જીત્યો હતો. પોર્ટ પર APSEZની હાજરી ટર્મિનલ અને તેના કન્ટેનર પોર્ટ પર કનેક્ટિવિટીમાં સુધારો કરશે. કનેક્ટિવિટી ખાસ કરીને વિઝિંજમ અને કોલંબોથી શિપમેન્ટ માટે સારી રહેશે. આ વર્ષથી જ કામગીરી શરૂ કરવાનો લક્ષ્યાંક રાખવામાં આવ્યો છે.
ભારતના પૂર્વ કિનારે નેતાજી સુભાષ ડોક સૌથી મોટું
APSEZના ડિરેક્ટર અને CEO અશ્વિની ગુપ્તાએ જણાવ્યું હતું કે, નેતાજી સુભાષ ડોકના સંચાલન અને જાળવણી માટેનો કોન્ટ્રાક્ટ આપવાથી દેશના બંદરો અને લોજિસ્ટિક્સ ઈન્ફ્રાસ્ટ્રક્ચરના વિકાસ માટે APSEZના સમર્પણને પ્રતિબિંબિત કરે છે. અમે અમારા બે દાયકાના લાંબા અનુભવનો ઉપયોગ કન્ટેનર ટર્મિનલ વિકસાવવા માટે કરીશું, જેનો લાભ રાજ્યના લોકો સહિત ગ્રાહકોને મળશે. ભારતના પૂર્વ કિનારે સ્થિત નેતાજી સુભાષ ડોક સૌથી મોટું કન્ટેનર ટર્મિનલ છે. આ ડોક નાણાકીય વર્ષ 2023-24માં 0.63 મિલિયન TEU હેન્ડલ અને ઓપરેટ કરે છે. આ ડોકમાંથી ઉત્તર પ્રદેશ, બિહાર, ઝારખંડ, આસામ, પૂર્વોત્તર રાજ્યો તેમજ નેપાળ અને ભૂતાન સહિત બંગાળના માલનું પરિવહન થાય છે.
